سفینہ رکھتا ہوں درکار اک سمندر ہے — ثروت حسین
شاعر
سفینہ رکھتا ہوں درکار اک سمندر ہے
سفینہ رکھتا ہوں درکار اک سمندر ہے
ہوائیں کہتی ہیں اس پار اک سمندر ہے
میں ایک لہر ہوں اپنے مکان میں اور پھر
ہجوم کوچہ و بازار اک سمندر ہے
یہ میرا دل ہے مرا آئینہ ہے شہزادی
اور آئینے میں گرفتار اک سمندر ہے
کہاں وہ پیرہن سرخ اور کہاں وہ بدن
کہ عکس ماہ سے بے دار اک سمندر ہے
یہ انتہائے مسرت کا شہر ہے ثروتؔ
یہاں تو ہر در و دیوار اک سمندر ہے
Safeena rakhta hoon darkaar ek samundar hai
Safeena rakhta hoon darkaar ek samundar hai
Hawaein kehti hain us paar ek samundar hai
Main ek lahar hoon apne makaan mein aur phir
Hujoom-e-koocha-o-bazaar ek samundar hai
Ye mera dil hai mera aaina hai shehzadi
Aur aaine mein giraftaar ek samundar hai
Kahaan woh pairahan-e-surkh aur kahaan woh badan
Ke aks-e-maah se be-daar ek samundar hai
Ye inteha-e-masarrat ka shahar hai Sarwat
Yahan toh har dar-o-deewar ek samundar hai
شاعر کے بارے میں
ثروت حسین اردو کے جدید اور صاحبِ طرز شاعر تھے جنہوں نے کم عمری میں ہی اپنی تخلیقی صلاحیتوں کا لوہا منوا لیا۔ وہ 9 نومبر 1949ء کو کراچی میں پیدا ہوئ...
مکمل تعارف پڑھیں