شہر زاد ہیں گلیوں کی پہچان بھی رکھتے ہیں — ثروت حسین
شاعر
شہر زاد ہیں گلیوں کی پہچان بھی رکھتے ہیں
شہر زاد ہیں گلیوں کی پہچان بھی رکھتے ہیں
اور بھٹکتے رہنے پر ایمان بھی رکھتے ہیں
رستہ رستہ اگنے والے یہ ہم شکل درخت
دھوپ میں ہیں اور ہم جیسوں کا دھیان بھی رکھتے ہیں
دور افتادہ ویرانوں پر لہراتے بادل
اک دہلیز سے کچھ عہد و پیمان بھی رکھتے ہیں
اندیشوں میں جھلسنے والے دلوں کے یہ دالان
خوابوں اور خیالوں کو مہمان بھی رکھتے ہیں
رات کی رات چمکنے والے آسمان کے رنگ
دیواروں کو صدیوں تک حیران بھی رکھتے ہیں
Shehar-zaad hain galiyon ki pehchan bhi rakhte hain
Shehar-zaad hain galiyon ki pehchan bhi rakhte hain
Aur bhatakte rehne par imaan bhi rakhte hain
Rasta rasta ugne wale yeh hum-shakl darakht
Dhoop mein hain aur hum jaison ka dhyaan bhi rakhte hain
Door uftada veeranon par lehrate baadal
Ik dehleez se kuch ahd o paimaan bhi rakhte hain
Andeshon mein jhulasne wale dilon ke yeh dalaan
Khwabon aur khayalon ko mehmaan bhi rakhte hain
Raat ki raat chamakne wale aasman ke rang
Deevaron ko sadiyon tak hairaan bhi rakhte hain
شاعر کے بارے میں
ثروت حسین اردو کے جدید اور صاحبِ طرز شاعر تھے جنہوں نے کم عمری میں ہی اپنی تخلیقی صلاحیتوں کا لوہا منوا لیا۔ وہ 9 نومبر 1949ء کو کراچی میں پیدا ہوئ...
مکمل تعارف پڑھیں