سورج ابھی کہر میں چھپا تھا — ثروت حسین
شاعر
سورج ابھی کہر میں چھپا تھا
سورج ابھی کہر میں چھپا تھا
جو نقش تھا دور کی صدا تھا
روشن تھی ہوا کہیں کہیں پر
ایک آدھ کواڑ کھل چکا تھا
ویران سڑک پہ مردہ چڑیاں
موسم کا عجیب سانحہ تھا
تالاب تھا یا کہ شہر کے بیچ
آئینہ کسی نے رکھ دیا تھا
اوجھل تھا نگاہ سے جزیرہ
دیوار ہوا کا سامنا تھا
شاخوں میں ہوا رکی ہوئی تھی
رستہ دریا میں جا گرا تھا
لڑکی کوئی گھاٹ پر کھڑی تھی
پانی پہ چراغ جل رہا تھا
آنکھوں سے پرے تہ خس و خاک
خوشبو کا بدن سلگ رہا تھا
رقصاں کوئی عکس تھا نظر میں
لرزاں کوئی حرف جا بہ جا تھا
ثروتؔ وہ فضائے صبح سرما
لگتا ہے کہ جیسے خواب سا تھا
Sooraj abhi kohar mein chhupa tha
Sooraj abhi kohar mein chhupa tha
Jo naqsh tha door ki sada tha
Roshan thi hawa kahin kahin par
Ek aadh kuwaad khul chuka tha
Veeran sadak pe murda chidiyan
Mausam ka ajeeb saanha tha
Taalaab tha ya ke shahar ke beech
Aayina kisi ne rakh diya tha
Oojhal tha nigah se jazeera
Deewaar hawa ka saamna tha
Shaakhon mein hawa ruki hui thi
Rasta darya mein ja gira tha
Ladki koi ghaat par khadi thi
Paani pe chiragh jal raha tha
Aankhon se pare teh-e-khas-o-khaak
Khushboo ka badan sulag raha tha
Raqsaan koi aks tha nazar mein
Larzaan koi harf ja-ba-ja tha
Sarwat wo faza-e-subh-e-sarma
Lagta hai ke jaise khwaab sa tha
شاعر کے بارے میں
ثروت حسین اردو کے جدید اور صاحبِ طرز شاعر تھے جنہوں نے کم عمری میں ہی اپنی تخلیقی صلاحیتوں کا لوہا منوا لیا۔ وہ 9 نومبر 1949ء کو کراچی میں پیدا ہوئ...
مکمل تعارف پڑھیں