صبح کے شور میں ناموں کی فراوانی میں — ثروت حسین
شاعر
صبح کے شور میں ناموں کی فراوانی میں
صبح کے شور میں ناموں کی فراوانی میں
عشق کرتا ہوں اسی بے سر و سامانی میں
سورما جس کے کناروں سے پلٹ آتے ہیں
میں نے کشتی کو اتارا ہے اسی پانی میں
صوفیہ تم سے ملاقات کروں گا اک روز
کسی سیارے کی جلتی ہوئی عریانی میں
میں نے انگور کی بیلوں میں تجھے چوم لیا
کر دیا اور اضافہ تری حیرانی میں
کتنا پر شور ہے جسموں کا اندھیرا ثروتؔ
گفتگو ختم ہوئی جاتی ہے جولانی میں
Subah ke shor mein namon ki farawani mein
Subah ke shor mein namon ki farawani mein
Ishq karta hoon isi be sar o samani mein
Soorma jis ke kinaron se palat aate hain
Main ne kashti ko utara hai isi paani mein
Sufiya tum se mulaqat karunga ik roz
Kisi siyare ki jalti hui uryani mein
Main ne angoor ki belon mein tujhe choom liya
Kar diya aur izafa teri hairani mein
Kitna pur shor hai jismon ka andhera Sarwat
Guftagu khatm hui jaati hai jawlani mein
شاعر کے بارے میں
ثروت حسین اردو کے جدید اور صاحبِ طرز شاعر تھے جنہوں نے کم عمری میں ہی اپنی تخلیقی صلاحیتوں کا لوہا منوا لیا۔ وہ 9 نومبر 1949ء کو کراچی میں پیدا ہوئ...
مکمل تعارف پڑھیں