وہیں پر مرا سیم تن بھی تو ہے — ثروت حسین
شاعر
وہیں پر مرا سیم تن بھی تو ہے
وہیں پر مرا سیم تن بھی تو ہے
اسی راستے میں وطن بھی تو ہے
بجھی روح کی پیاس لیکن سخی
مرے ساتھ میرا بدن بھی تو ہے
نہیں شام تیرہ سے مایوس میں
بیاباں کے پیچھے چمن بھی تو ہے
مشقت بھرے دن کے آخیر پر
ستاروں بھری انجمن بھی تو ہے
مہکتی دہکتی لہکتی ہوئی
یہ تنہائی باغ عدن بھی تو ہے
Wahin par mera seem tan bhi toh hai
Wahin par mera seem tan bhi toh hai
Isi raaste mein watan bhi toh hai
Bujhi rooh ki pyaas lekin sakhi
Mere saath mera badan bhi toh hai
Nahin shaam-e-teerah se mayoos main
Biyaban ke peeche chaman bhi toh hai
Mashaqqat bhare din ke aakhir par
Sitaron bhari anjuman bhi toh hai
Mehakti dahakti lehakti hui
Ye tanhai bagh-e-adan bhi toh hai
شاعر کے بارے میں
ثروت حسین اردو کے جدید اور صاحبِ طرز شاعر تھے جنہوں نے کم عمری میں ہی اپنی تخلیقی صلاحیتوں کا لوہا منوا لیا۔ وہ 9 نومبر 1949ء کو کراچی میں پیدا ہوئ...
مکمل تعارف پڑھیں