یہاں مضافات میں — ثروت حسین
شاعر
یہاں مضافات میں
یہاں مضافات میں اس وقت
ٹھیک اس وقت
جب زمینی گھڑیاں صبح کے ساڑھے سات بجا رہی ہیں
ایک پہیہ بنایا جا رہا ہے
لکڑی کے تختوں کو گولائی دینا معمولی کام نہیں
اپنے وسط سے باہر پھوٹتی ہوئی روشنی
عورت کے برہنہ جسم کے بعد یہ پہلا منظر ہے
جس نے مجھے روک لیا ہے
اور میں بھول گیا ہوں کہ سیارے پر کوئی موسم بھی ہے
اور میرا ایک نام بھی ہے
پہیوں کی ایک جوڑی دروازے سے لگی کھڑی ہے
گاڑی بان آئے گا اور اسے لے جائے گا
گاڑی بان آئے گا اور یہ پھول لے جائے گا۔۔۔
Yahaan mazaafaat mein
Yahaan mazaafaat mein is waqt
Theek is waqt
Jab zameeni ghariyaan subh ke saaDhe saat baja rahi hain
Ek pahiya banaya ja raha hai
Lakdi ke takhton ko golai dena maamooli kaam nahin
Apne wasat se bahar phoot'ti hui roshni
Aurat ke barahna jism ke baad yeh pehla manzar hai
Jis ne mujhe rok liya hai
Aur main bhool gaya hoon ke sayare par koi mausam bhi hai
Aur mera ek naam bhi hai
Pahiyon ki ek joRi darwaze se lagi khaDi hai
GaaDi-baan aayega aur usay le jaayega
GaaDi-baan aayega aur yeh phool le jaayega....
شاعر کے بارے میں
ثروت حسین اردو کے جدید اور صاحبِ طرز شاعر تھے جنہوں نے کم عمری میں ہی اپنی تخلیقی صلاحیتوں کا لوہا منوا لیا۔ وہ 9 نومبر 1949ء کو کراچی میں پیدا ہوئ...
مکمل تعارف پڑھیں