باغ عالم میں جہاں نخل حنا لگتا ہے — شیخ ابراہیم ذوق
شاعر
باغ عالم میں جہاں نخل حنا لگتا ہے
باغ عالم میں جہاں نخل حنا لگتا ہے
دل پر خوں کا وہاں ہاتھ پتا لگتا ہے
کیا تڑپنا دل بسمل کا بھلا لگتا ہے
کہ جب اچھلے ہے ترے سینے سے جا لگتا ہے
دل کہاں سیر تماشے پہ مرا لگتا ہے
جی کے لگ جانے سے جینا بھی برا لگتا ہے
جو حوادث سے زمانے کے گرا پھر نہ اٹھا
نخل آندھی کا کہیں اکھڑا ہوا لگتا ہے
دل لگانے کا مزا ہے کہ گزک میں اس کے
سب کبابوں سے نمک دل پہ سوا لگتا ہے
نہ شب ہجر میں لگتی ہے زباں تالو سے
اور نہ پہلو مرا بستر سے ذرا لگتا ہے
ہائے محتاج ہوا مرہم زنگار کا تو
زخم دل زہر مجھے ہنسنا ترا لگتا ہے
آب خنجر جو ہے زہراب وفاداری کو
پانی شاید کہ سر ملک فنا لگتا ہے
قد مجنوں کوئی پہلے سے چھڑی بید کی ہے
جب ذرا جھکتا ہے قد پاؤں سے جا لگتا ہے
زرد زاہد ہے تو کیا کھوٹ ابھی ہے دل میں
ذوقؔ اس زر کو کسوٹی پہ کسا لگتا ہے
Bagh-e-alam mein jahan nakhl-e-hinna lagta hai
Bagh-e-alam mein jahan nakhl-e-hinna lagta hai
Dil par khoon ka wahan haath pata lagta hai
Kya tadapna dil-e-bismil ka bhala lagta hai
Ke jab uchhle hai tere seene se ja lagta hai
Dil kahan sair-e-tamashay pe mera lagta hai
Jee ke lag jaane se jeena bhi bura lagta hai
Jo hawadis se zamane ke gira phir na utha
Nakhl aandhi ka kahin ukhda hua lagta hai
Dil lagane ka maza hai ke gazak mein is ke
Sab kababon se namak dil pe siwa lagta hai
Na shab-e-hijr mein lagti hai zubaan taalo se
Aur na pehlu mera bister se zara lagta hai
Haaye muhtaaj hua marham-e-zangaar ka tu
Zakhm-e-dil zehr mujhe hansna tera lagta hai
Aab-e-khanjar jo hai zehraab-e-wafadari ko
Paani shayad ke sar-e-mulk-e-fana lagta hai
Qad-e-Majnu koi pehle se chhadi baid ki hai
Jab zara jhukta hai qad paon se ja lagta hai
Zard zaahid hai toh kya khoot abhi hai dil mein
Zauq is zar ko kasauti pe kasa lagta hai
شاعر کے بارے میں
شیخ محمد ابراہیم ذوقؔ اردو کے اُن ممتاز شعرا میں شمار ہوتے ہیں جنہوں نے دہلی کے آخری مغل عہد میں شاعری کو دربار سے عوام تک مؤثر انداز میں پہنچایا۔ ...
مکمل تعارف پڑھیں