وقت پیری شباب کی باتیں — شیخ ابراہیم ذوق
شاعر
وقت پیری شباب کی باتیں
وقت پیری شباب کی باتیں
ایسی ہیں جیسے خواب کی باتیں
پھر مجھے لے چلا ادھر دیکھو
دل خانہ خراب کی باتیں
واعظا چھوڑ ذکر نعمت خلد
کہہ شراب و کباب کی باتیں
مہ جبیں یاد ہیں کہ بھول گئے
وہ شب ماہتاب کی باتیں
حرف آیا جو آبرو پہ مری
ہیں یہ چشم پرآب کی باتیں
سنتے ہیں اس کو چھیڑ چھیڑ کے ہم
کس مزے سے عتاب کی باتیں
جام مے منہ سے تو لگا اپنے
چھوڑ شرم و حجاب کی باتیں
مجھ کو رسوا کریں گی خوب اے دل
یہ تری اضطراب کی باتیں
جاؤ ہوتا ہے اور بھی خفقاں
سن کے ناصح جناب کی باتیں
قصۂ زلف یار دل کے لیے
ہیں عجب پیچ و تاب کی باتیں
ذکر کیا جوش عشق میں اے ذوقؔ
ہم سے ہوں صبر و تاب کی باتیں
Waqt-e-peeri shabab ki baatein
Waqt-e-peeri shabab ki baatein
Aisi hain jaise khwab ki baatein
Phir mujhe le chala idhar dekho
Dil-e-khana-kharab ki baatein
Waa'iza chhod zikr-e-naimat-e-khuld
Keh sharab-o-kabaab ki baatein
Meh-jabeen yaad hain ke bhool gaye
Woh shab-e-mahtaab ki baatein
Harf aaya jo aabroo pe meri
Hain ye chashm-e-pur-aab ki baatein
Sunte hain us ko chhed chhed ke hum
Kis maze se itaab ki baatein
Jaam-e-mai munh se to laga apne
Chhod sharm-o-hijaab ki baatein
Mujh ko ruswa karengi khoob aye dil
Ye teri iztiraab ki baatein
Jaao hota hai aur bhi khafqaan
Sun ke naaseh janaab ki baatein
Qissa-e-zulf-e-yaar dil ke liye
Hain ajab pech-o-taab ki baatein
Zikr kya josh-e-ishq mein aye Zauq
Hum se hon sabr-o-taab ki baatein
شاعر کے بارے میں
شیخ محمد ابراہیم ذوقؔ اردو کے اُن ممتاز شعرا میں شمار ہوتے ہیں جنہوں نے دہلی کے آخری مغل عہد میں شاعری کو دربار سے عوام تک مؤثر انداز میں پہنچایا۔ ...
مکمل تعارف پڑھیں