یہ اقامت ہمیں پیغام سفر دیتی ہے — شیخ ابراہیم ذوق
شاعر
یہ اقامت ہمیں پیغام سفر دیتی ہے
یہ اقامت ہمیں پیغام سفر دیتی ہے
زندگی موت کے آنے کی خبر دیتی ہے
زال دنیا ہے عجب طرح کی علامۂ دہر
مرد دیں دار کو بھی دہریہ کر دیتی ہے
بڑھتی جاتی ہے جو مشق ستم اس ظالم کی
کچھ محبت مری اصلاح مگر دیتی ہے
فائدہ دے ترے بیمار کو کیا خاک دوا
اب تو اکسیر بھی دیجے تو ضرر دیتی ہے
شمع گھبرا نہ شب غم سے کہ کوئی دم میں
تجھ کو کافور سفیدی سحر دیتی ہے
غنچہ ہنستا ہے ترے آگے جو گستاخی سے
چٹخنا منہ پہ وہیں باد سحر دیتی ہے
شمع بھی کم نہیں کچھ عشق میں پروانے سے
جان دیتا ہے اگر وہ تو یہ سر دیتی ہے
دم بہ دم زخم پہ اک زخم ہے دم لینے کی
مجھ کو فرصت نہیں وہ تیغ نظر دیتی ہے
کہتے سنتے نہیں کچھ ہم تو شب ہجر میں پر
نالۂ دل کا جواب آہ جگر دیتی ہے
تیرہ بختی مری کرتی ہے پریشاں مجھ کو
تہمت اس زلف سیہ فام پہ دھر دیتی ہے
نخل مژگاں سے ہے کیا جانیے کیا چشم ثمر
چشم پانی کی جگہ خون جگر دیتی ہے
دیتی شربت ہے کسے زہر بھری آنکھ تری
عین احسان ہے وہ زہر بھی گر دیتی ہے
کوئی غماز نہیں میری طرف سے اے ذوقؔ
کان اس کے مری فریاد ہی بھر دیتی ہے
Ye iqamat hamein paigham-e-safar deti hai
Ye iqamat hamein paigham-e-safar deti hai
Zindagi maut ke aane ki khabar deti hai
Zawal-e-duniya hai ajab tarah ki alamat-e-dahar
Mard-e-deen daar ko bhi dahriya kar deti hai
Badhti jaati hai jo mashq-e-sitam us zaalim ki
Kuchh mohabbat meri islaah magar deti hai
Faayda de tere beemar ko kya khaak dawa
Ab toh ikseer bhi deeje toh zarar deti hai
Shama ghabra na shab-e-gham se ke koi dam mein
Tujh ko kaafur-e-safeedi sahar deti hai
Ghunche hansta hai tere aage jo gustaakhi se
Chatakhna munh pe wahin baad-e-sahar deti hai
Shama bhi kam nahin kuchh ishq mein parwane se
Jaan deta hai agar woh toh ye sar deti hai
Dam ba dam zakhm pe ek zakhm hai dam lene ki
Mujh ko fursat nahin woh tegh-e-nazar deti hai
Kehte sunte nahin kuchh hum toh shab-e-hijr mein par
Nala-e-dil ka jawab aah-e-jigar deti hai
Teerah-bakhti meri karti hai pareshan mujh ko
Tuhmat is zulf-e-siyah-faam pe dhar deti hai
Nakhl-e-mizhgaan se hai kya jaaniye kya chashm-e-samar
Chashm paani ki jagah khoon-e-jigar deti hai
Deti sharbat hai kise zehr bhari aankh teri
Ain-e-ehsan hai woh zehr bhi gar deti hai
Koi ghammaz nahin meri taraf se aye Zauq
Kaan us ke meri faryaad hi bhar deti hai
شاعر کے بارے میں
شیخ محمد ابراہیم ذوقؔ اردو کے اُن ممتاز شعرا میں شمار ہوتے ہیں جنہوں نے دہلی کے آخری مغل عہد میں شاعری کو دربار سے عوام تک مؤثر انداز میں پہنچایا۔ ...
مکمل تعارف پڑھیں