بڑے تحمل سے رفتہ رفتہ نکالنا ہے — عمیر نجمی
شاعر
بڑے تحمل سے رفتہ رفتہ نکالنا ہے
بڑے تحمل سے رفتہ رفتہ نکالنا ہے
بچا ہے جو تجھ میں میرا حصہ نکالنا ہے
یہ روح برسوں سے دفن ہے تم مدد کرو گے
بدن کے ملبے سے اس کو زندہ نکالنا ہے
نظر میں رکھنا کہیں کوئی غم شناس گاہک
مجھے سخن بیچنا ہے خرچہ نکالنا ہے
نکال لایا ہوں ایک پنجرے سے اک پرندہ
اب اس پرندے کے دل سے پنجرہ نکالنا ہے
یہ تیس برسوں سے کچھ برس پیچھے چل رہی ہے
مجھے گھڑی کا خراب پرزہ نکالنا ہے
خیال ہے خاندان کو اطلاع دے دوں
جو کٹ گیا اس شجر کا شجرہ نکالنا ہے
میں ایک کردار سے بڑا تنگ ہوں قلم کار
مجھے کہانی میں ڈال غصہ نکالنا ہے
Bade tahammul se rafta rafta nikalna hai
Bade tahammul se rafta rafta nikalna hai
Bacha hai jo tujh mein mera hissa nikalna hai
Ye rooh barson se dafan hai tum madad karo ge
Badan ke malbe se uss ko zinda nikalna hai
Nazar mein rakhna kahin koi gham-shanaas gaahak
Mujhe sukhan bechna hai kharcha nikalna hai
Nikal laya hoon ek pinjre se ik parinda
Ab uss parinde ke dil se pinjra nikalna hai
Ye tees barson se kuchh baras peechhe chal rahi hai
Mujhe ghadi ka kharab purza nikalna hai
Khayal hai khaandan ko ittilaa de doon
Jo kat gaya uss shajar ka shajra nikalna hai
Main ek kirdaar se bada tang hoon qalam-kaar
Mujhe kahani mein daal ghussa nikalna hai
شاعر کے بارے میں
عمیر نجمی (اصل نام: محمد عمیر) معاصر اردو شاعری کا ایک معتبر اور توانا نام ہیں۔ وہ 2 ستمبر 1986ء کو رحیم یار خان، پنجاب میں پیدا ہوئے۔ غزل اور نظم ...
مکمل تعارف پڑھیں