اک دن زباں سکوت کی پوری بناؤں گا — عمیر نجمی
شاعر
اک دن زباں سکوت کی پوری بناؤں گا
اک دن زباں سکوت کی پوری بناؤں گا
میں گفتگو کو غیر ضروری بناؤں گا
تصویر میں بناؤں گا دونوں کے ہاتھ اور
دونوں میں ایک ہاتھ کی دوری بناؤں گا
مدت سمیت جملہ ضوابط ہوں طے شدہ
یعنی تعلقات عبوری بناؤں گا
تجھ کو خبر نہ ہوگی کہ میں آس پاس ہوں
اس بار حاضری کو حضوری بناؤں گا
رنگوں پہ اختیار اگر مل سکا کبھی
تیری سیاہ پتلیاں بھوری بناؤں گا
جاری ہے اپنی ذات پہ تحقیق آج کل
میں بھی خلا پہ ایک تھیوری بناؤں گا
میں چاہ کر وہ شکل مکمل نہ کر سکا
اس کو بھی لگ رہا تھا ادھوری بناؤں گا
Ek din zaban-e-sukoot ki poori banaunga
Ek din zaban-e-sukoot ki poori banaunga
Main guftugu ko ghair zaroori banaunga
Tasaweer mein banaunga donon ke haath aur
Donon mein ek haath ki doori banaunga
Muddat samet jumla zawabit hon tai shuda
Yaani ta'alluqaat uburi banaunga
Tujh ko khabar na hogi ke main aas paas hoon
Is baar haazri ko hazoori banaunga
Rangon pe ikhtiyar agar mil saka kabhi
Teri siyah putliyan bhoori banaunga
Jaari hai apni zaat pe tehqeeq aaj kal
Main bhi khala pe ek theory banaunga
Main chah kar woh shakal mukammal na kar saka
Is ko bhi lag raha tha adhoori banaunga
شاعر کے بارے میں
عمیر نجمی (اصل نام: محمد عمیر) معاصر اردو شاعری کا ایک معتبر اور توانا نام ہیں۔ وہ 2 ستمبر 1986ء کو رحیم یار خان، پنجاب میں پیدا ہوئے۔ غزل اور نظم ...
مکمل تعارف پڑھیں