ایک تاریخ مقرر پہ تو ہر ماہ ملے — عمیر نجمی
شاعر
ایک تاریخ مقرر پہ تو ہر ماہ ملے
ایک تاریخ مقرر پہ تو ہر ماہ ملے
جیسے دفتر میں کسی شخص کو تنخواہ ملے
رنگ اکھڑ جائے تو ظاہر ہو پلستر کی نمی
قہقہہ کھود کے دیکھو تو تمہیں آہ ملے
جمع تھے رات مرے گھر ترے ٹھکرائے ہوئے
ایک درگاہ پہ سب راندۂ درگاہ ملے
میں تو اک عام سپاہی تھا حفاظت کے لئے
شاہ زادی یہ ترا حق تھا تجھے شاہ ملے
ایک اداسی کے جزیرے پہ ہوں اشکوں میں گھرا
میں نکل جاؤں اگر خشک گزر گاہ ملے
اک ملاقات کے ٹلنے کی خبر ایسے لگی
جیسے مزدور کو ہڑتال کی افواہ ملے
گھر پہنچنے کی نہ جلدی نہ تمنا ہے کوئی
جس نے ملنا ہو مجھے آئے سر راہ ملے
Ek tareekh-e-muqar'rar pe tu har maah mile
Ek tareekh muqar'rar pe tu har maah mile
Jaise daftar mein kisi shakhs ko tankhwah mile
Rang ukhad jaaye to zahir ho plaster ki nami
Qehqaha khod ke dekho to tumhein aah mile
Jama the raat mere ghar tere thukraaye hue
Ek dargah pe sab randah-e-dargah mile
Main to ik aam sipaahi tha hifazat ke liye
Shahzaadi ye tera haq tha tujhe shah mile
Ek udaasi ke jazire pe hoon ashkon mein ghira
Main nikal jaun agar khushk guzar-gah mile
Ik mulaqaat ke talne ki khabar aise lagi
Jaise mazdoor ko hadtaal ki afwaah mile
Ghar pahunchne ki na jaldi na tamanna hai koi
Jis ne milna ho mujhe aaye sar-e-raah mile
شاعر کے بارے میں
عمیر نجمی (اصل نام: محمد عمیر) معاصر اردو شاعری کا ایک معتبر اور توانا نام ہیں۔ وہ 2 ستمبر 1986ء کو رحیم یار خان، پنجاب میں پیدا ہوئے۔ غزل اور نظم ...
مکمل تعارف پڑھیں