بدن کجلا گیا تو دل کی تابانی سے نکلوں گا

بدن کجلا گیا تو دل کی تابانی سے نکلوں گا
میں سورج بن کے اک دن اپنی پیشانی سے نکلوں گا
نظر آ جاؤں گا میں آنسوؤں میں جب بھی روؤگے
مجھے مٹی کیا تم نے تو میں پانی سے نکلوں گا
تم آنکھوں سے مجھے جاں کے سفر کی مت اجازت دو
اگر اترا لہو میں پھر نہ آسانی سے نکلوں گا
میں ایسا خوبصورت رنگ ہوں دیوار کا اپنی
اگر نکلا تو گھر والوں کی نادانی سے نکلوں گا
ضمیر وقت میں پیوست ہوں میں پھانس کی صورت
زمانہ کیا سمجھتا ہے کہ آسانی سے نکلوں گا
یہی اک شے ہے جو تنہا کبھی ہونے نہیں دیتی
ظفرؔ مر جاؤں گا جس دن پریشانی سے نکلوں گا

Badan kujla gaya to dil ki tabani se niklunga

Badan kujla gaya to dil ki tabani se niklunga
Main suraj ban ke ek din apni peshani se niklunga
Nazar aa jaunga main aansuon mein jab bhi rooge
Mujhe mitti kiya tum ne to main paani se niklunga
Tum aankhon se mujhe jaan ke safar ki mat ijazat do
Agar utra lahoo mein phir na aasani se niklunga
Main aisa khoobsurat rang hun deewar ka apni
Agar nikla to ghar walon ki nadani se niklunga
Zameer waqt mein paiwast hun main phaans ki surat
Zamana kya samajhta hai ke aasani se niklunga
Yahi ek shai hai jo tanha kabhi hone nahin deti
Zafar mar jaunga jis din pareshani se niklunga

شاعر کے بارے میں

ظفر گورکھپوری، جن کا اصل نام ظفر الدین تھا، ۵ مئی ۱۹۳۵ کو بیدولی بابو، ضلع گورکھ پور (بھارت) میں پیدا ہوئے اور کم عمری میں ہی اپنے والد کے ساتھ ممب...

مکمل تعارف پڑھیں

بدن کجلا گیا تو دل کی تابانی سے نکلوں گا — ظفرگورکھپوری

شاعر