نظر آتا نہیں لیکن اشارہ کر رہا ہے — ظفرگورکھپوری
شاعر
نظر آتا نہیں لیکن اشارہ کر رہا ہے
نظر آتا نہیں لیکن اشارہ کر رہا ہے
کوئی تو ہے جو میرا کام سارا کر رہا ہے
اس آبادی میں کچھ ہوں گے جنہیں پیاری ہے دنیا
بڑا حصہ تو مجبوراً گوارا کر رہا ہے
نہ پوچھو دل کی‘ آنسو خشک ہیں اور درد کم کم
یہ دیوانہ کسی صورت گزارا کر رہا ہے
زمیں کی کوکھ چھلنی کر رہا ہے رات دن جو
وہ اپنے آپ کو بھی پارہ پارہ کر رہا ہے
مژہ سے ٹوٹ کر گرنے کا منظر سب نے دیکھا
خبر بھی ہے جو مٹی میں ستارہ کر رہا ہے
مجھے یوں بے سہارا کر کے اس کو کیا ملے گا
مگر کچھ سوچ کر ہی بے سہارا کر رہا ہے
کڑی ہے دھوپ‘ رک جاؤ ذرا آموں کے نیچے
ظفر صاحب! تمھیں کوئی اشارہ کر رہا ہے
Nazar aata nahin lekin ishara kar raha hai
Nazar aata nahin lekin ishara kar raha hai
Koi to hai jo mera kaam saara kar raha hai
Is abaadi mein kuch honge jinhein pyari hai duniya
Bada hissa to majbooran gawara kar raha hai
Na poochho dil ki’ aansu khushk hain aur dard kam kam
Yeh deewana kisi surat guzara kar raha hai
Zameen ki kokh chhalni kar raha hai raat din jo
Woh apne aap ko bhi paara paara kar raha hai
Mizha se toot kar girne ka manzar sab ne dekha
Khabar bhi hai jo mitti mein sitara kar raha hai
Mujhe yoon be-sahara kar ke us ko kya milega
Magar kuch soch kar hi be-sahara kar raha hai
Kadi hai dhoop’ ruk jao zara aamon ke neeche
Zafar Sahib! Tumhein koi ishara kar raha hai
شاعر کے بارے میں
ظفر گورکھپوری، جن کا اصل نام ظفر الدین تھا، ۵ مئی ۱۹۳۵ کو بیدولی بابو، ضلع گورکھ پور (بھارت) میں پیدا ہوئے اور کم عمری میں ہی اپنے والد کے ساتھ ممب...
مکمل تعارف پڑھیں