نہ بھول پائے تمہیں حادثہ ہی ایسا تھا — ظفرگورکھپوری
شاعر
نہ بھول پائے تمہیں حادثہ ہی ایسا تھا
نہ بھول پائے تمہیں حادثہ ہی ایسا تھا
نہ بھر سکا کوئی اس کو خلا ہی ایسا تھا
وہ مجھ میں رہ کے مجھے کاٹتا رہا پل پل
زباں پہ آ نہ سکا ماجرا ہی ایسا تھا
نظر نہ آئی کہیں دور دور تک کوئی موج
میں غرق ہو گیا طوفاں اٹھا ہی ایسا تھا
نہ آیا لطف کسی اور غم کو جھیلنے میں
غم حیات ترا ذائقہ ہی ایسا تھا
کھلے تو لب مگر الفاظ دونوں سمت نہ تھے
مکالمہ نہ ہوا مرحلہ ہی ایسا تھا
اب اس کا رنج بھی کیا کیوں لہولہان ہیں پاؤں
چلے تھے جس پہ ظفرؔ راستہ ہی ایسا تھا
Na bhool paaye tumhein hadisa hi aisa tha
Na bhool paaye tumhein hadisa hi aisa tha
Na bhar saka koi us ko khala hi aisa tha
Woh mujh mein reh ke mujhe kaat-ta raha pal pal
Zaban pe aa na saka majra hi aisa tha
Nazar na aayi kahin dur dur tak koi mauj
Main gharq ho gaya toofan utha hi aisa tha
Na aaya lutf kisi aur gham ko jheelne mein
Gham-e-hayat tera zaiqa hi aisa tha
Khule to lab magar alfaaz donon simt na the
Mukalima na hua marhala hi aisa tha
Ab is ka ranj bhi kya kyoon lahu luhaan hain paon
Chale the jis pe Zafar rasta hi aisa tha
شاعر کے بارے میں
ظفر گورکھپوری، جن کا اصل نام ظفر الدین تھا، ۵ مئی ۱۹۳۵ کو بیدولی بابو، ضلع گورکھ پور (بھارت) میں پیدا ہوئے اور کم عمری میں ہی اپنے والد کے ساتھ ممب...
مکمل تعارف پڑھیں