تھی الگ راہ مگر ترک محبت نہیں کی — ظفرگورکھپوری
شاعر
تھی الگ راہ مگر ترک محبت نہیں کی
تھی الگ راہ مگر ترک محبت نہیں کی
اس نے بھی سوچا بہت ہم نے بھی عجلت نہیں کی
تو نے جو درد کی دولت ہمیں دی تھی اس میں
کچھ اضافہ ہی کیا ہم نے خیانت نہیں کی
زاویہ کیا ہے جو کرتا ہے تجھے سب سے الگ
کیوں ترے بعد کسی اور کی حسرت نہیں کی
آئے اور آ کے چلے بھی گئے کیا کیا موسم
تم نے دروازہ ہی وا کرنے کی ہمت نہیں کی
اپنے اطوار میں کتنا بڑا شاطر ہوگا
زندگی تجھ سے کبھی جس نے شکایت نہیں کی
ایک اک سانس کا اپنے سے لیا سخت حساب
ہم بھی کیا تھے کبھی خود سے بھی مروت نہیں کی
Thi alag raah magar tark-e-mohabbat nahin ki
Thi alag raah magar tark-e-mohabbat nahin ki
Us ne bhi socha bohat hum ne bhi ujlat nahin ki
Tu ne jo dard ki daulat hamein di thi is mein
Kuch izafa hi kiya hum ne khayanat nahin ki
Zaviya kya hai jo karta hai tujhe sab se alag
Kyun tere baad kisi aur ki hasrat nahin ki
Aaye aur aa ke chale bhi gaye kya kya mausam
Tum ne darwaza hi wa karne ki himmat nahin ki
Apne atwar mein kitna bada shatir hoga
Zindagi tujh se kabhi jis ne shikayat nahin ki
Ek ek saans ka apne se liya sakht hisab
Hum bhi kya the kabhi khud se bhi murawwat nahin ki
شاعر کے بارے میں
ظفر گورکھپوری، جن کا اصل نام ظفر الدین تھا، ۵ مئی ۱۹۳۵ کو بیدولی بابو، ضلع گورکھ پور (بھارت) میں پیدا ہوئے اور کم عمری میں ہی اپنے والد کے ساتھ ممب...
مکمل تعارف پڑھیں