آج تھوڑا سا مسکرانے دے — زبیر قلزم
شاعر
آج تھوڑا سا مسکرانے دے
آج تھوڑا سا مسکرانے دے
میرے دل اس کو بھول جانے دے
تو بتائے گا عشق کا مطلب
جا یہاں سے ہوا کو آنے دے
مجھ کو چارہ گری سے غرض نہیں
چارہ گر زخم بس دکھانے دے
تم محبت نبھاؤ کب کہا یہ
عرض اتنی مجھے نبھانے دے
سخت لہجہ ہے عشق میں ممنوع
تو مجھے آنکھیں ہی دکھانے دے
تم محبت میں دھوکہ کھا رہے ہو
اچھا'چپ رہ مزے سے کھانے دے
وصل ایسا نصیب ہو'وہ کہے
یار بس کر دے یار جانے دے
آج دیکھا ہے شیخ کو قلزم
کہاں دیکھا یہ بات جانے دے
Aaj thoda sa muskurane de
Aaj thoda sa muskurane de
Mere dil uss ko bhool jaane de
Tu batayega ishq ka matlab
Ja yahan se hawa ko aane de
Mujh ko chara-gari se gharaz nahin
Chara-gar zakhm bas dikhane de
Tum mohabbat nibhao kab kaha yeh
Arz itni mujhe nibhane de
Sakht lahja hai ishq mein mamnoo'
Tu mujhe aankhein hi dikhane de
Tum mohabbat mein dhoka kha rahe ho
Achha, chhup reh maze se khane de
Visal aisa naseeb ho, woh kahe
Yaar bas kar de yaar jaane de
Aaj dekha hai Shaikh ko Qulzum
Kahan dekha yeh baat jaane de
شاعر کے بارے میں
آج آپ کو بے تکلفات کا اظہار کرنے والے ناتواں لیکن تمام دنیا سے لڑ جانے والے سرکش عاشق'فلسفہ پہ گہری نظر رکھنے والے اور خودار شاعر سے متعارف کرواتے ...
مکمل تعارف پڑھیں