اس کی آنکھوں نے ایسے سکھائے سخن — زبیر قلزم
شاعر
اس کی آنکھوں نے ایسے سکھائے سخن
اس کی آنکھوں نے ایسے سکھائے سخن
اوڑلی پھر یہ میں نے ردائے سخن
چاہتا تھا مجھے لوگ شاعر کہیں
اس کی دہلیز سے پھر اٹھائے سخن
اس نے آنچل کو لہرایا ہے پھر ضرور
دیکھیے تو چلی ہے ہوائے سخن
جیسے کوئی حسیں ناز سے بیٹھتی
ایسے پہلو میں اپنے بٹھائے سخن
کیا بتاؤں میں کیسے خدوخال ہیں
اس کی زلفوں پہ سارے لٹائے سخن
اس کی آواز ایسی مرے دوستا
ہر سخن کر رہا التجائے سخن
جس کسی کی میں امید تھا معذرت
کچھ نہیں کر سکا میں سوائے سخن
جب کسی طور بھی یار مانا نہیں
باندھ پیروں میں گھنگرو نچائے سخن
جس پہ فتویٰ لگا تھا اسی شعر پر
داد دینے کو آئے خدائے سخن
وہ نہیں گنگناتا سخن کوئی بھی
دیکھ کر اس کو تو گنگنائے سخن
مفلسی نے کیا حال ایسا مرا
تنگ آ کر سبھی بیچ کھائے سخن
اس نے پڑھ کر کیے شعر میرے امر
شاعروں نے بڑے آزمائے سخن
وصل کی رات تھی اور دیکھو زرا
صرف بستر پہ میں نے گرائے سخن
ہل کسی کی زمین پر چلایا نہیں
میں نے اپنی زمین پہ اگائے سخن
ایک شاعر سے اس کو محبت ہوئی
سارے کمرے میں اس نے لگائے سخن
ساری محفل کی نظریں اسی پر جمیں
اس نے پڑھ کر مرے جب سنائے سخن
کوئی قلزم کو کب جانتا تھا یہاں
آج جو کچھ بھی ہوں ہے عطائے سخن
Us ki aankhon ne aise sikhaye sukhan
Us ki aankhon ne aise sikhaye sukhan
Odhli phir yeh main ne rida-e-sukhan
Chahta tha mujhe log shayar kahein
Us ki dehleez se phir uthaye sukhan
Us ne aanchal ko lehraya hai phir zaroor
Dekhiye toh chali hai hawa-e-sukhan
Jaise koi haseen naaz se baithti
Aise pehlu mein apne bithaye sukhan
Kya bataun main kaise khad-o-khaal hain
Us ki zulfon pe saare lutaye sukhan
Us ki awaaz aisi mere doston
Har sukhan kar raha iltija-e-sukhan
Jis kisi ki main umeed tha maazrat
Kuch nahin kar saka main siwa-e-sukhan
Jab kisi taur bhi yaar mana nahin
Bandh pairon mein ghunghroo nachaye sukhan
Jis pe fatwa laga tha usi sher par
Daad dene ko aaye Khuda-e-sukhan
Woh nahin gungunata sukhan koi bhi
Dekh kar us ko toh gungunaye sukhan
Muflisi ne kya haal aisa mera
Tang aa kar sabhi bech khaye sukhan
Us ne padh kar kiye sher mere amar
Shayaron ne bade aazmaye sukhan
Wasl ki raat thi aur dekho zara
Sirf bistar pe main ne giraye sukhan
Hal kisi ki zameen par chalaya nahin
Main ne apni zameen pe ugaaye sukhan
Ek shayar se us ko mohabbat hui
Saare kamre mein us ne lagaye sukhan
Saari mehfil ki nazrein usi par jamein
Us ne padh kar mere jab sunaye sukhan
Koi Qulzum ko kab janta tha yahan
Aaj jo kuch bhi hoon hai ataa-e-sukhan
شاعر کے بارے میں
آج آپ کو بے تکلفات کا اظہار کرنے والے ناتواں لیکن تمام دنیا سے لڑ جانے والے سرکش عاشق'فلسفہ پہ گہری نظر رکھنے والے اور خودار شاعر سے متعارف کرواتے ...
مکمل تعارف پڑھیں