گھستے گھستے پاؤں میں زنجیر آدھی رہ گئی — آواز: نگاہ بسمل | شاعر: مرزا غالب
مقرر / سپیکر
گھستے گھستے پاؤں میں زنجیر آدھی رہ گئی
گھستے گھستے پانو میں زنجیر آدھی رہ گئی
مر گئے پر قبر کی تعمیر آدھی رہ گئی
سب ہی پڑھتا کاش کیوں تکبیر آدھی رہ گئی
کھنچ کے قاتل جب تری شمشیر آدھی رہ گئی
غم سے جان عاشق دلگیر آدھی رہ گئی
بیٹھ رہتا لے کے چشم پر نم اس کے رو برو
کیوں کہا تو نے کہ کہہ دل کا غم اس کے رو برو
بات کرنے میں نکلتا ہے دم اس کے رو برو
کہہ سکے ساری حقیقت ہم نہ اس کے رو برو
ہم نشیں آدھی ہوئی تقریر آدھی رہ گئی
تو نے دیکھا مجھ پہ کیسی بن گئی اے راز دار
خواب و بیداری پہ کب ہے آدمی کو اختیار
مثل زخم آنکھوں کو سی دیتا جو ہوتا ہوشیار
کھینچتا تھا رات کو میں خواب میں تصویر یار
جاگ اٹھا میں کھینچنی تصویر آدھی رہ گئی
غم نے جب گھیرا تو چاہا ہم نے یوں اے دلنواز
مستی چشم سیہ سے چل کے ہو ویں چارہ ساز
تو صداے پا سے جاگا تھا جو محو خواب ناز
دیکھتے ہی اے ستمگر تیری چشم نیم باز
کی تھی پوری ہم نے جو تدبیر آدھی رہ گئی
اس بت مغرور کو کیا ہو کسی پر التفات
جس کے حسن روز افزوں کی یہ اک ادنی ہے بات
ماہ نو نکلے پہ گزری ہوں گی راتیں پان سات
اس رخ روشن کے آگے ماہ یک ہفتہ کی رات
تابش خرشید پر تنویر آدھی رہ گئی
تا مجھے پہنچائے کاہش بخت بد ہے گھات میں
ہاں فراوانی اگر کچھ ہے تو ہے آفات میں
جز غم و رنج و الم گھاٹا ہے ہر یک بات میں
کم نصیبی اس کو کہتے ہیں کہ میرے ہات میں
آتے ہی خاصیت اکسیر آدھی رہ گئی
سب سے یہ گوشہ کنارے ہے گلے لگ جا مرے
آدمی کو کیوں پکارے ہے گلے لگ جا مرے
سر سے گر چادر اتارے ہے گلے لگ جا مرے
مانگ کیا بیٹھا سنوارے ہے گلے لگ جا مرے
وصل کی شب اے بت بے پیر آدھی رہ گئی
میں یہ کیا جانوں کہ وہ کس واسطے ہوں پھر گئے
پر نصیب اپنا انھیں جاتا سنا جوں پھر گئے
دیکھنا قسمت وہ آئے اور پھر یوں پھر گئے
آکے آدھی دور میرے گھر سے وہ کیوں پھر گئے
کیا کشش میں دل کی اب تاثیر آدھی رہ گئی
ناگہاں یاد آگئی ہے مجھ کو یارب کب کی بات
کچھ نہیں کہتا کسی سے سن رہا ہوں سب کی بات
کس لیے تجھ سے چھپاؤں ہاں وہ پرسوں شب کی بات
نامہ بر جلدی میں تیری وہ جو تھی مطلب کی بات
خط میں آدھی ہو سکی تحریر آدھی رہ گئی
ہو تجلی برق کی صورت میں ہے یہ بھی غضب
ہاں چھ گھنٹے کی تو ہوتی فرصت عیش و طرب
شام سے آتے تو کیا اچھی گزرتی رات سب
پاس میرے وہ جو آئے بھی تو بعد از نصف شب
نکلی آدھی حسرت تقریر آدھی رہ گئی
تم جو فرماتے ہو دیکھ اے غالبؔ آشفتہ سر
ہم نہ تجھ کو منع کرتے تھے گیا کیوں اس کے گھر
جان کی پاؤں اماں باتیں یہ سب سچ ہیں مگر
دل نے کی ساری خرابی لے گیا مجھ کو ظفر
واں کے جانے میں مری توقیر آدھی رہ گئی
شاعر: مرزا غالب
آواز: نگاہ بسمل
گھستے گھستے پاؤں میں زنجیر آدھی رہ گئی
Ghaste ghaste paaon mein zanjeer aadhi reh gayi
Mar gaye par qabr ki ta'meer aadhi reh gayi
Sab hi padhta kaash kyun takbeer aadhi reh gayi
Khinch ke qatil jab teri shamshir aadhi reh gayi
Gham se jaan-e-aashiq dilgeer aadhi reh gayi
Baith rehta le ke chashm-e-pur-nam us ke rubaroo
Kyun kaha tu ne ke keh dil ka gham us ke rubaroo
Baat karne mein nikalta hai dam us ke rubaroo
Keh sake saari haqeeqat hum na us ke rubaroo
Hamnasheen aadhi hui taqreer aadhi reh gayi
Tu ne dekha mujh pe kaisi ban gayi aye raazdaar
Khwab o bedari pe kab hai aadmi ko ikhtiyar
Misl-e-zakhm aankhon ko si deta jo hota hoshiyar
Kheenchta tha raat ko main khwab mein tasveer-e-yaar
Jaag utha main kheenchani tasveer aadhi reh gayi
Gham ne jab ghera toh chaha hum ne yun aye dilnawaz
Masti chashm-e-siyah se chal ke hon wain charah saaz
Tu sada-e-pa se jaaga tha jo mahw-e-khwab-e-naaz
Dekhte hi aye sitamgar teri chashm-e-neem baaz
Ki thi poori hum ne jo tadbeer aadhi reh gayi
Is but-e-maghroor ko kya ho kisi par iltifaat
Jis ke husn-e-roz-afzoon ki yeh ik adna hai baat
Maah-e-nau nikle pe guzri hon gi raaten paanch saat
Is rukh-e-roshan ke aage maah-e-yak hafta ki raat
Taabish-e-khursheed par tanveer aadhi reh gayi
Ta mujhe pahunchaye kaahish-e-bakht-e-bad hai ghaat mein
Haan farawani agar kuch hai toh hai aafaat mein
Juz gham o ranj o alam ghaata hai har yak baat mein
Kam-naseebi is ko kehte hain ke mere haat mein
Aate hi khasiyat-e-ikseer aadhi reh gayi
Sab se yeh gosha kinare hai gale lag ja mere
Aadmi ko kyun pukare hai gale lag ja mere
Sar se gar chadar utare hai gale lag ja mere
Maang kya baitha sanware hai gale lag ja mere
Wasl ki shab aye but-e-be-peer aadhi reh gayi
Main yeh kya janoon ke woh kis waaste hon phir gaye
Par naseeb apna unhein jata suna joon phir gaye
Dekhna qismat woh aaye aur phir yun phir gaye
Aa ke aadhi door mere ghar se woh kyun phir gaye
Kya kashish mein dil ki ab taaseer aadhi reh gayi
Naagahaan yaad aa gayi hai mujh ko Ya Rab kab ki baat
Kuch nahin kehta kisi se sun raha hoon sab ki baat
Kis liye tujh se chhupaon haan woh parson shab ki baat
Naama bar jaldi mein teri woh jo thi matlab ki baat
Khat mein aadhi ho saki tehreer aadhi reh gayi
Ho tajalli barq ki soorat mein hai yeh bhi ghazab
Haan chhe ghante ki toh hoti fursat-e-aish o tarab
Shaam se aate toh kya achhi guzarti raat sab
Paas mere woh jo aaye bhi toh ba'ad az nisf-e-shab
Nikli aadhi hasrat-e-taqreer aadhi reh gayi
Tum jo farmate ho dekh aye Ghalib-e-aashufta sar
Hum na tujh ko mana karte the gaya kyun us ke ghar
Jaan ki paaon amaan baaten yeh sab sach hain magar
Dil ne ki saari kharabi le gaya mujh ko Zafar
Waan ke jaane mein meri tauqeer aadhi reh gayi