وہ چاروں سمت سے تنظیم کر کے مارتے ہیں — آواز: فرحت شاہ | شاعر: فرحت عباس شاہ
مقرر / سپیکر
وہ چاروں سمت سے تنظیم کر کے مارتے ہیں
وہ چاروں سمت سے تنظیم کر کے مارتے ہیں
ہمارے جیسوں کو تقسیم کر کے مارتے ہیں
مذاکرات کے پھندے لگا کے ہیں رکھتے
معاہدات کو تسلیم کر کے مارتے ہیں
فنونِ جبر و ستم میں بلا کے ہیں مشّاق
خیال و خواب کی تجسیم کر کے مارتے ہیں
شِقیں بناتے ہیں پہلے اٹل تسلط کی
پھر ان شِقوں میں بھی ترمیم کر کے مارتے ہیں
پراپیگنڈا انہیں اس لیے بھی ہے مرغوب
یہ کچے ذہنوں کو تنویم کر کے مارتے ہیں
ہمارا مدِ مقابل ہو نیچ جتنا بھی
ہم اہلِ ظرف ہیں، تعظیم کر کے مارتے ہیں
شاعر: فرحت عباس شاہ
آواز: فرحت شاہ
Woh charon simt se tanzeem kar ke marte hain
Woh charon simt se tanzeem kar kar ke marte hain
Humare jaison ko taqseem kar ke marte hain
Muzakarat ke phande laga ke hain rakhte
Muahidaat ko tasleem kar ke marte hain
Funoon-e-jabr-o-sitam mein bala ke hain mashshaq
Khayal-o-khwab ki tajseem kar ke marte hain
Shaqen banate hain pehle atal tasallut ki
Phir un shaqon mein bhi tarmeem kar kar ke marte hain
Propaganda unhein is liye bhi hai marghoob
Yeh kachche zehnon ko tanweem kar ke marte hain
Humara madd-e-muqabil ho neech jitna bhi
Hum ahl-e-zarf hain, ta'zeem kar kar ke marte hain