نگاہ یار جسے آشنائے راز کرے — آواز: نین سکھ | شاعر: حسرت موہانی
مقرر / سپیکر
نگاہ یار جسے آشنائے راز کرے
نگاہ یار جسے آشنائے راز کرے
وہ اپنی خوبی قسمت پہ کیوں نہ ناز کرے
دلوں کو فکر دوعالم سے کر دیا آزاد
ترے جنوں کا خدا سلسلہ دراز کرے
خرد کا نام جنوں پڑ گیا جنوں کا خرد
جو چاہے آپ کا حسن کرشمہ ساز کرے
ترے ستم سے میں خوش ہوں کہ غالباً یوں بھی
مجھے وہ شامل ارباب امتیاز کرے
غم جہاں سے جسے ہو فراغ کی خواہش
وہ ان کے درد محبت سے ساز باز کرے
امیدوار ہیں ہر سمت عاشقوں کے گروہ
تری نگاہ کو اللہ دل نواز کرے
ترے کرم کا سزاوار تو نہیں حسرتؔ
اب آگے تیری خوشی ہے جو سرفراز کرے
شاعر: حسرت موہانی
آواز: نین سکھ
Nigah-e-yaar jise aashnaye raaz kare
Nigah-e-yaar jise aashnaye raaz kare
Woh apni khubi-e-qismat pe kyoon na naaz kare
Dilon ko fikr-e-do-alam se kar diya azad
Tere junoon ka Khuda silsila daraz kare
Khurd ka naam junoon pad gaya junoon ka khurd
Jo chahe aap ka husn-e-karishma-saaz kare
Tere sitam se main khush hoon ke ghaliban yun bhi
Mujhe woh shamil-e-arbab-e-imtiaz kare
Gham-e-jahan se jise ho faraagh ki khwahish
Woh un ke dard-e-mohabbat se saaz baaz kare
Umeedwar hain har samt aashiqon ke giroh
Teri nigaah ko Allah dil nawaz kare
Tere karam ka sazawar to nahin Hasrat!
Ab aage teri khushi hai jo sarfaraz kare