نکل گئے ہیں خرد کی حدوں سے دیوانے — آواز: آدرش | شاعر: پیر نصیرالدین
مقرر / سپیکر
نکل گئے ہیں خرد کی حدوں سے دیوانے
نکل گئے ہیں خرد کی حدوں سے دیوانے
اب اہل ہوش سے کہہ دو نہ آئیں سمجھانے
بساط بزم الٹ کر کہاں گیا ساقی
فضا خموش سبو چپ اداس پیمانے
یہ کس کے غم نے دلوں کا قرار لوٹ لیا
یہ کس کی یاد میں سر پھوڑتے ہیں دیوانے
بھری بہار کا منظر ابھی نگاہ میں تھا
مری نگاہ کو کیا ہو گیا خدا جانے
ہے کون بر لب ساحل کہ پیشوائی کو
قدم اٹھائے بہ انداز موج دریا نے
تمام شہر میں اک درد آشنا نہ ملا
بسائے اس لیے اہل جنوں نے ویرانے
نہ اب وہ جلوۂ یوسف نہ مصر کا بازار
نہ اب وہ حسن کے تیور نہ اب وہ دیوانے
نہ حرف حق نہ وہ منصور کی زباں نہ وہ دار
نہ کربلا نہ وہ کٹتے سروں کے نذرانے
نہ بایزید نہ شبلی نہ اب جنید کوئی
نہ اب وہ سوز نہ آہیں نہ ہا و ہو خانے
خیال و خواب کی صورت بکھر گیا ماضی
نہ سلسلے نہ وہ قصے نہ اب وہ افسانے
نہ قدرداں نہ کوئی ہم زباں نہ انساں دوست
فضائے شہر سے بہتر ہیں اب تو ویرانے
بدل گئے ہیں تقاضے مزاج وقت کے ساتھ
نہ وہ شراب نہ ساقی نہ اب وہ مے خانے
تمام بند جنوں توڑ بھی گیا لیکن
انا کے جال میں جکڑے ہوئے ہیں فرزانے
یہ انقلاب کہاں آسماں نے دیکھا تھا
الجھ رہے ہیں غم زندگی سے دیوانے
ہر ایک اپنے ہی سود و زیاں کی فکر میں ہے
کوئی تو ہو جو مرے دل کا درد پہچانے
ترا وجود غنیمت ہے پھر بھی اے ساقی
کہ ہو گئے ہیں پھر آباد آج مے خانے
وہی ہجوم وہی رونقیں وہی میکش
وہی نشہ وہی مستی وہی طرب خانے
جبیں کو در پہ ترے رکھ دیا یہی کہہ کر
یہ جانے اور ترا سنگ آستاں جانے
اٹھیں گے پی کے تری مے نواز آنکھوں سے
یہ طے کیے ہوئے بیٹھے ہیں آج دیوانے
ہے تیری ذات وہ اک شمع انجمن افروز
کہ جس کی لو پہ لپکتے رہیں گے پروانے
کوئی نشاط کا ساماں کوئی طرب کی سبیل
لگی ہے پھر سر مے خانہ بدلیاں چھانے
تو بولتا ہے تو چلتی ہے نبض میخانہ
تو دیکھتا ہے تو کرتے ہیں رقص پروانے
یہ مستیاں نہیں جام و سبو کے حصے میں
تیری نگاہ سے پتے ہیں تیرے دیوانے
نصیرؔ اشک تو پلکوں پہ سب نے دیکھ لیے
گزر رہی ہے جو دل پر وہ کوئی کیا جانے
شاعر: پیر نصیرالدین
آواز: آدرش
Nikal gaye hain khirad ki hadon se deewane
Nikal gaye hain khirad ki hadon se deewane
Ab ahl-e-hosh se keh do na aayen samjhane
Bisaat-e-bazm ulat kar kahan gaya saaqi
Faza khamosh, subu chup, udaas paimaane
Yeh kis ke gham ne dilon ka qaraar loot liya
Yeh kis ki yaad mein sar phodte hain deewane
Bhari bahaar ka manzar abhi nigaah mein tha
Meri nigaah ko kya ho gaya khuda jaane
Hai kaun bar lab-e-saahil ke peshwai ko
Qadam uthaaye ba andaaz-e-mauj-e-darya ne
Tamaam shehr mein ik dard aashna na mila
Basaye is liye ahl-e-junoon ne veeraane
Na ab woh jalwa-e-Yousuf na Misr ka bazaar
Na ab woh husn ke tewar na ab woh deewane
Na harf-e-haq na woh Mansoor ki zubaan na woh daar
Na Karbala na woh kat-te saron ke nazraane
Na Bayazeed na Shibli na ab Junaid koi
Na ab woh soz na aahen na haa-o-hoo khaane
Khayaal-o-khwab ki soorat bikhar gaya maazi
Na silsile na woh qisse na ab woh afsaane
Na qadardaan na koi hum-zubaan na insaan-dost
Faza-e-shehr se behtar hain ab to veeraane
Badal gaye hain taqaaze mizaaj-e-waqt ke saath
Na woh sharaab na saaqi na ab woh mai-khaane
Tamaam band-e-junoon tod bhi gaya lekin
Ana ke jaal mein jakde hue hain farzaane
Yeh inqilaab kahan aasman ne dekha tha
Uljh rahe hain gham-e-zindagi se deewane
Har ek apne hi sood-o-ziyaan ki fikr mein hai
Koi to ho jo mere dil ka dard pehchaane
Tera wajood ghaneemat hai phir bhi ae saaqi
Ke ho gaye hain phir aabaad aaj mai-khaane
Wahi hujoom wahi raunaqen wahi maikash
Wahi nasha wahi masti wahi tarab khaane
Jabeen ko dar pe tere rakh diya yahi keh kar
Yeh jaane aur tera sang-e-aastaan jaane
Uthenge pee ke teri mai-nawaz aankhon se
Yeh tai kiye hue baithe hain aaj deewane
Hai teri zaat woh ik shama-e-anjuman afroz
Ke jis ki lau pe lapakte rahenge parwaane
Koi nishaat ka saamaan koi tarab ki sabeel
Lagi hai phir sar-e-mai-khaana badliyan chhaanne
Tu bolta hai to chalti hai nabz-e-mai-khaana
Tu dekhta hai to karte hain raqs parwaane
Yeh mastiyan nahin jaam-o-subu ke hisse mein
Teri nigaah se peete hain tere deewane
Naseer ashq to palkon pe sab ne dekh liye
Guzar rahi hai jo dil par woh koi kya jaane
مقرر کے بارے میں
Don't go back to the same place where you lost your smile
مکمل سوانح دیکھیں