مسجد تو بنا دی شب بھر میں ایماں کی حرارت والوں نے — آواز: عروج فیاض | شاعر: علامہ اقبال
مقرر / سپیکر
مسجد تو بنا دی شب بھر میں ایماں کی حرارت والوں نے
مسجد تو بنا دی شب بھر میں ایماں کی حرارت والوں نے
من اپنا پُرانا پاپی ہے، برسوں میں نمازی بن نہ سکا
کیا خوب امیرِ فیصل کو سَنّوسی نے پیغام دیا
تُو نام و نَسب کا حجازی ہے پر دل کا حجازی بن نہ سکا
تر آنکھیں تو ہو جاتی ہیں، پر کیا لذّت اس رونے میں
جب خُونِ جگر کی آمیزش سے اشک پیازی بن نہ سکا
اقبالؔ بڑا اُپدیشک ہے، من باتوں میں موہ لیتا ہے
گفتار کا یہ غازی تو بنا، کردار کا غازی بن نہ سکا
شاعر: علامہ اقبال
آواز: عروج فیاض
Masjid toh bana di shab bhar mein imaan ki hararat walon ne
Masjid toh bana di shab bhar mein imaan ki hararat walon ne
Man apna puraana paapi hai, barson mein namazi ban na saka
Kya khoob ameer-e-faisal ko sannosi ne paigham diya
Tu naam-o-nasab ka hijazi hai par dil ka hijazi ban na saka
Tar aankhein toh ho jaati hain, par kya lazzat uss rone mein
Jab khoon-e-jigar ki aamezish se ashk piyazi ban na saka
Iqbal! bada updeshak hai, man baaton mein moh leta hai
Guftaar ka yeh ghazi toh bana, kirdaar ka ghazi ban na saka