یار کو میں نے مجھے یار نے سونے نہ دیا — آواز: اسرار حسین | شاعر: حیدر علی آتش
مقرر / سپیکر
یار کو میں نے مجھے یار نے سونے نہ دیا
یار کو میں نے مجھے یار نے سونے نہ دیا
رات بھر طالع بے دار نے سونے نہ دیا
خاک پر سنگ در یار نے سونے نہ دیا
دھوپ میں سایۂ دیوار نے سونے نہ دیا
شام سے وصل کی شب آنکھ نہ جھپکی تا صبح
شادیٔ دولت دیدار نے سونے نہ دیا
ایک شب بلبل بے تاب کے جاگے نہ نصیب
پہلوئے گل میں کبھی خار نے سونے نا دیا
رات بھر کی دل بیتاب نے باتیں مجھ سے
رنج و محنت کے گرفتار نے سونے نہ دیا
سچ ہے غم خواریٔ بیمار عذاب جاں ہے
تا دم مرگ دل زار نے سونے نہ دیا
تکیہ تک پہلو میں اس گل نے نہ رکھا آتشؔ
غیر کو ساتھ کبھی یار نے سونے نہ دیا
شاعر: حیدر علی آتش
آواز: اسرار حسین
Yaar ko main ne mujhe yaar ne sone na diya
Yaar ko main ne mujhe yaar ne sone na diya
Raat bhar taale-e-bedaar ne sone na diya
Khak par sang-e-dar-e-yaar ne sone na diya
Dhoop mein saya-e-deewar ne sone na diya
Shaam se vasl ki shab aankh na jhapki ta subh
Shaadi-e-daulat-e-deedar ne sone na diya
Ek shab bulbul-e-betaab ke jaage na naseeb
Pehloo-e-gul mein kabhi khaar ne sone na diya
Raat bhar ki dil-e-betaab ne baatein mujh se
Ranj-o-mehnat ke giraftar ne sone na diya
Sach hai gham-khwari-e-beemar azaab-e-jaan hai
Ta dam-e-marg dil-e-zaar ne sone na diya
Takiya tak pehloo mein us gul ne na rakha Atish!
Ghair ko saath kabhi yaar ne sone na diya