دیوار اب کہیں نہ کوئی در دکھائی دے — آواز: محمد اویس | شاعر: محسن زیدی
مقرر / سپیکر
دیوار اب کہیں نہ کوئی در دکھائی دے
دیوار اب کہیں نہ کوئی در دکھائی دے
چاروں طرف بس ایک سمندر دکھائی دے
گھر پر نظر کروں تو بیابان سا لگے
اور دشت بے کنار مجھے گھر دکھائی دے
خوابوں کے درمیان ہے مدت سے ایک جنگ
میدان کارزار نہ لشکر دکھائی دے
یہ کیا کہ پھر بھی جسم ہے اپنا لہو لہان
آتا ہوا کہیں سے نہ پتھر دکھائی دے
ہر شام زندگی کا نیا خواب لے کے آئے
ہر صبح اپنی موت کا منظر دکھائی دے
اس طرح پڑھ رہے ہیں وہ تحریر ہاتھ کی
ہاتھوں میں جیسے میرا مقدر دکھائی دے
تیر و کمان آپ بھی محسنؔ سنبھالیے
جب دوستی کی آڑ میں خنجر دکھائی دے
شاعر: محسن زیدی
آواز: محمد اویس
Deewar ab kahin na koi dar dikhayi de
Deewar ab kahin na koi dar dikhayi de
Charon taraf bas ek samundar dikhayi de
Ghar par nazar karun to biyabaan sa lage
Aur dasht-e-be-kinaar mujhe ghar dikhayi de
Khwabon ke darmiyan hai muddat se ek jang
Maidaan-e-karzar na lashkar dikhayi de
Ye kya ke phir bhi jism hai apna lahu lahan
Aata hua kahin se na patthar dikhayi de
Har shaam zindagi ka naya khwab le ke aaye
Har subah apni maut ka manzar dikhayi de
Is tarah padh rahe hain wo tehreer haath ki
Haathon mein jaise mera muqaddar dikhayi de
Teer-o-kamaan aap bhi Mohsin sambhaliye
Jab dosti ki aad mein khanjar dikhayi de