خوشی کی بات ہے یا دکھ کا منظر دیکھ سکتی ہوں — آواز: روح من | شاعر: پروین شاکر
مقرر / سپیکر
خوشی کی بات ہے یا دکھ کا منظر دیکھ سکتی ہوں
خوشی کی بات ہے یا دکھ کا منظر دیکھ سکتی ہوں
تری آواز کا چہرہ میں چھو کر دیکھ سکتی ہوں
ابھی تیرے لبوں پہ ذکر فصل گل نہیں آیا
مگر اک پھول کھلتے اپنے اندر دیکھ سکتی ہوں
مجھے تیری محبت نے عجب اک روشنی بخشی
میں اس دنیا کو اب پہلے سے بہتر دیکھ سکتی ہوں
کنارہ ڈھونڈنے کی چاہ تک مجھ میں نہیں ہوگی
میں اپنے گھر میں اک ایسا سمندر دیکھ سکتی ہوں
وصال و ہجر اب یکساں ہیں وہ منزل ہے چاہت میں
میں آنکھیں بند کر کے تجھ کو اکثر دیکھ سکتی ہوں
ابھی تیرے سوا دنیا بھی ہے موجود اس دل میں
میں خود کو کس طرح تیرے برابر دیکھ سکتی ہوں
شاعر: پروین شاکر
آواز: روح من
Khushi ki baat hai ya dukh ka manzar dekh sakti hoon
Khushi ki baat hai ya dukh ka manzar dekh sakti hoon
Teri awaaz ka chehra main chhoo kar dekh sakti hoon
Abhi tere labon pe zikr-e-fasl-e-gul nahi aaya
Magar ek phool khilte apne andar dekh sakti hoon
Mujhe teri mohabbat ne ajab ek roshni bakhshi
Main is duniya ko ab pehle se behtar dekh sakti hoon
Kinara dhoondhne ki chah tak mujh mein nahi hogi
Main apne ghar mein ek aisa samundar dekh sakti hoon
Visal-o-hijr ab yaksaan hain woh manzil hai chahat mein
Main aankhein band kar ke tujh ko aksar dekh sakti hoon
Abhi tere siwa duniya bhi hai maujood is dil mein
Main khud ko kis tarah tere barabar dekh sakti hoon