بھلا فقیر کو دنیا کی کیا ضرورت ہے — آواز: زین شکیل | شاعر: زین شکیل
مقرر / سپیکر
بھلا فقیر کو دنیا کی کیا ضرورت ہے
بھلا فقیر کو دنیا کی کیا ضرورت ہے ؟؟
ترا تو صرف ابھی مسئلہ 'ضرورت' ہے !
یہ سرکشی جو ترے سر چڑھی ہے ! مار اِسے !
خدا کی تُو نہیں ! تیری، 'خدا' ضرورت ہے !
ضمیر سوئے ہوئے دو گھڑی تو جاگیں گے !
سو اپنے شہر کی، اک سانحہ، ضرورت ہے !
ابھی تُو عشق میں کچا ہے میرے یار ! تری !
کلام کے لیے گر، 'رابطہ' ضرورت ہے !
کہا یہ اُس نے مرے پاس صرف رنج بچا !
میں اپنی موج میں تھا ! کہہ دیا ! ضرورت ہے !
مجھی پہ چیخ پڑا ! جا ! تری ضرورت نئیں !
وہ جیسے رویا ! مجھے یہ لگا ! ضرورت ہے !
میں کائنات ہتھیلی پہ لا کے رکھ دیتا !
تُو ایک بار مجھے بولتا ! ضرورت ہے !
تُو خود کہے نہ کہے ! میں سمجھ چکا مرے دوست !
کہ تیری، قُرب نہیں ! فاصلہ ضرورت ہے !
یہ بات پوچھنے والی ہے ؟ اُس سے کون کہے ؟
وہ پوچھتا ہے کہ بھیجوں دعا ؟ ضرورت ہے ؟
سخی سے یہ نہیں بولا کہ لازمی دے دے!
اٹھا کے ہاتھ بس اتنا کہا ضرورت ہے !
میں شاید اب کبھی اپنے بھی کام آ نہ سکوں !
اور اب تجھے بھی مری، کونسا ضرورت ہے !
تجھے تو یوں بھی بٹھا لیں گے لوگ آنکھوں پر !
حسین شخص ! تجھے میری کیا ضرورت ہے !
وہ روز مجھ کو نئے خواب سونپ دیتا ہے !
وہ مجھ سے یہ بھی نہیں پوچھتا ! ضرورت ہے ؟
ترے ہی نام ! مرے لفظ، جسم، جان، یہ دل !
مجھے بتا ناں ! تری اور کیا ضرورت ہے ؟
تُو جب بھی میٹھے سے لہجے میں بات کرتا ہے !
تَو بول دیتا ہے لہجہ ترا ! ضرورت ہے !
تجھے یہ لگتا ہے ؟ اُس کی کوئی ضرورت نئیں ؟
جو شخص منہ سے نہیں کہہ رہا ! ضرورت ہے !
تجھے مری نہ سہی ! پھر بھی تھوڑی دیر ٹھہر !
مجھے تری ! اے مرے دوستا ! ضرورت ہے !
یہ مجھ پہ چھوڑ دے ! جیسے بھی چاند لے آؤں !
اداس شخص ! فقط یہ بتا ! ضرورت ہے ؟
وہ اُس کی آنکھیں تو ویسے بھی جھیل آنکھیں ہیں !
بتاؤ ؟ سرمہ کی اُس کو بھلا ضرورت ہے ؟
مری طلب ہیں مرے یار تیرے بہکاوے !
قریب آ کے مجھے ورغلا ! ضرورت ہے !
پھر ایسے بین رچائے گا کون میری طرح ؟
کسی کے غم کو مری بے بہا ضرورت ہے !
وہ پوچھتی بھی رہی ! زین ! بول ! کیوں ٹھہروں ؟
میں اُس سے یہ بھی نہیں کہہ سکا، ضرورت ہے !
شاعر: زین شکیل
آواز: زین شکیل
Bhala faqeer ko duniya ki kya zarurat hai
Bhala faqeer ko duniya ki kya zarurat hai ??
Tera to sirf abhi masla 'zarurat' hai !
Yeh sarkashi jo tere sar chadhi hai ! Maar ise !
Khuda ki tu nahin ! Teri, 'Khuda' zarurat hai !
Zameer soye hue do ghadi to jaagenge !
So apne shahar ki, ek saneha, zarurat hai !
Abhi tu ishq mein kaccha hai mere yaar ! Teri !
Kalam ke liye gar, 'rabta' zarurat hai !
Kaha yeh us ne mere paas sirf ranj bacha !
Main apni mauj mein tha ! Keh diya ! Zarurat hai !
Mujh hi pe cheekh pada ! Ja ! Teri zarurat nayi !
Woh jaise roya ! Mujhe yeh laga ! Zarurat hai !
Main kayenat hatheli pe la ke rakh deta !
Tu ek baar mujhe bolta ! Zarurat hai !
Tu khud kahe na kahe ! Main samajh chuka mere dost !
Ke teri, qurb nahin ! Fasila zarurat hai !
Yeh baat poochhne wali hai ? Us se kaun kahe ?
Woh poochhta hai ke bhejoon dua ? Zarurat hai ?
Sakhi se yeh nahin bola ke laazmi de de!
Utha ke haath bas itna kaha zarurat hai !
Main shayad ab kabhi apne bhi kaam aa na sakoon !
Aur ab tujhe bhi meri, kaunsa zarurat hai !
Tujhe to yun bhi baitha lenge log aankhon par !
Haseen shakhs ! Tujhe meri kya zarurat hai !
Woh roz mujh ko naye khwab saunp deta hai !
Woh mujh se yeh bhi nahin poochhta ! Zarurat hai ?
Tere hi naam ! Mere lafz, jism, jaan, yeh dil !
Mujhe bata na ! Teri aur kya zarurat hai ?
Tu jab bhi meethhe se lehje mein baat karta hai !
To bol deta hai lehja tera ! Zarurat hai !
Tujhe yeh lagta hai ? Us ki koi zarurat nahin ?
Jo shakhs munh se nahin keh raha ! Zarurat hai !
Tujhe meri na sahi ! Phir bhi thodi der thahar !
Mujhe teri ! Ae mere dosta ! Zarurat hai !
Yeh mujh pe chhod de ! Jaise bhi chand le aaoon !
Udaas shakhs ! Faqat yeh bata ! Zarurat hai ?
Woh us ki aankhein to waise bhi jheel aankhein hain !
Batao ? Surma ki us ko bhala zarurat hai ?
Meri talab hi mein mere yaar tere behkaave !
Qareeb aa ke mujhe warghala ! Zarurat hai !
Phir aise bain rachayega kaun meri tarah ?
Kisi ke gham ko meri be-baha zarurat hai !
Woh poochhti bhi rahi ! Zain ! Bol ! Kyun thaharoon ?
Main us se yeh bhi nahin keh saka, zarurat hai !