آہٹ جو سنائی دی ہے ہجر کی شب کی ہے — شہریار
شاعر
آہٹ جو سنائی دی ہے ہجر کی شب کی ہے
آہٹ جو سنائی دی ہے ہجر کی شب کی ہے
یہ رائے اکیلی میری نہیں ہے سب کی ہے
سنسان سڑک سناٹے اور لمبے سائے
یہ ساری فضا اے دل تیرے مطلب کی ہے
تری دید سے آنکھیں جی بھر کے سیراب ہوئیں
کس روز ہوا تھا ایسا بات یہ کب کی ہے
تجھے بھول گیا کبھی یاد نہیں کرتا تجھ کو
جو بات بہت پہلے کرنی تھی اب کی ہے
مرے سورج آ! مرے جسم پہ اپنا سایہ کر
بڑی تیز ہوا ہے سردی آج غضب کی ہے
شہریار
Aahat jo sunai di hai hijr ki shab ki hai
Aahat jo sunai di hai hijr ki shab ki hai
Yeh raye akeli meri nahin hai sab ki hai
Sunsaan sadak sannate aur lambe saaye
Yeh saari fiza aye dil tere matlab ki hai
Teri deed se aankhein jee bhar ke sairaab huin
Kis roz hua tha aisa baat yeh kab ki hai
Tujhe bhool gaya kabhi yaad nahin karta tujh ko
Jo baat bahut pehle karni thi ab ki hai
Mere suraj aa! mere jism pe apna saya kar
Badi tez hawa hai sardi aaj ghazab ki hai
شاعر کے بارے میں
کنور محمد اخلاق دنیائے ادب میں شہر یار کے نام سے جانے جاتے ہیں۔ وہ 16 جون 1936کو آنولہ، ضلع بریلی، اُتر پردیش میں پیدا ہوئے۔ ابتدائی تعلیم ہردوئی میں حاصل کی۔ 1948میں علی گڑھ آئے۔ 1961 میں اردو میں ایم اے کیا۔ 1966میں شعبہ اردو علی گڑھ مسلم یونیورسٹی میں لیکچرر ہوئے۔ 1996میں یہیں سے پروفیسر اور صدر اردو کی حیثیت سے ریٹائر ہوئے۔ ہاکی، بیڈمنٹن اور...
مکمل تعارف پڑھیں