لا زوال سکوت — شہریار
شاعر
لا زوال سکوت
مہیب لمبے گھنے پیڑوں کی ہری شاخیں
کبھی کبھی کوئی اشلوک گنگناتی تھیں
کبھی کبھی کسی پتے کا دل دھڑکتا تھا
کبھی کبھی کوئی کونپل درود پڑھتی تھی
کبھی کبھی کوئی جگنو الکھ جگاتا تھا
کبھی کبھی کوئی طائر ہوا سے لڑتا تھا
کبھی کبھی کوئی پرچھائیں چیخ پڑتی تھی
اور اس کے بعد مری آنکھ کھل گئی میں نے
سرہانے رکھے ہوئے تازہ روز نامے کی
ہر ایک سطر بڑے غور سے پڑھی لیکن
خبر کہیں بھی کسی ایسے حادثے کی نہ تھی
اور اس کے بعد میں دیوانہ وار ہنسنے لگا
اور اس کے بعد ہر اک سمت لا زوال سکوت
اور اس کے بعد ہر اک سمت لا زوال سکوت
شہریار
La Zawaal Sukoot
Muheeb lambe ghane perhon ki hari shakhein
Kabhi kabhi koi ashloak gungunati theen
Kabhi kabhi kisi patte ka dil dhadakta tha
Kabhi kabhi koi konpal durood padhti thi
Kabhi kabhi koi jugnu alakh jagata tha
Kabhi kabhi koi taair hawa se ladta tha
Kabhi kabhi koi parchhaiyan cheekh padti thi
Aur us ke baad meri aankh khul gayi maine
Sirhane rakhe hue taaza roz naame ki
Har ek satar bade ghaur se padhi lekin
Khabar kahin bhi kisi aise haadse ki na thi
Aur us ke baad main deewana waar hansne laga
Aur us ke baad har ek simt la zawaal sukoot
Aur us ke baad har ek simt la zawaal sukoot
شاعر کے بارے میں
کنور محمد اخلاق دنیائے ادب میں شہر یار کے نام سے جانے جاتے ہیں۔ وہ 16 جون 1936کو آنولہ، ضلع بریلی، اُتر پردیش میں پیدا ہوئے۔ ابتدائی تعلیم ہردوئی میں حاصل کی۔ 1948میں علی گڑھ آئے۔ 1961 میں اردو میں ایم اے کیا۔ 1966میں شعبہ اردو علی گڑھ مسلم یونیورسٹی میں لیکچرر ہوئے۔ 1996میں یہیں سے پروفیسر اور صدر اردو کی حیثیت سے ریٹائر ہوئے۔ ہاکی، بیڈمنٹن اور...
مکمل تعارف پڑھیں