چلو تم کو.... — شہریار
شاعر
چلو تم کو....
نکیلے ناخنوں سے اپنی قبریں کھودتے جاؤ
تھکن سے چور چہروں پر
ابھی تک شرم کے آثار باقی ہیں
اندھیروں کے کسی پاتال میں
اترے چلے جاؤ
تمہارے رتجگوں نے نیند کو پامال کر ڈالا
سخی آنکھوں کے اشکوں نے تمہیں کنگال کر ڈالا
تمہاری بے دلی کا کرب اب دیکھا نہیں جاتا
چلو تم کو کسی اک گھومتی کرسی پہ بٹھلا دیں
شہریار
Chalo tum ko....
Nukeelay nakhunon se apni qabrein khodte jao
Thakan se choor chehron par
Abhi tak sharm ke asaar baqi hain
Andheron ke kisi paataal mein
Utare chale jao
Tumhare ratjaghon ne neend ko paamaal kar daala
Sakhi aankhon ke ashkon ne tumhein kangaal kar daala
Tumhari be-dili ka karb ab dekha nahin jaata
Chalo tum ko kisi ek ghoomti kursi pe bithla dein
شاعر کے بارے میں
کنور محمد اخلاق دنیائے ادب میں شہر یار کے نام سے جانے جاتے ہیں۔ وہ 16 جون 1936کو آنولہ، ضلع بریلی، اُتر پردیش میں پیدا ہوئے۔ ابتدائی تعلیم ہردوئی میں حاصل کی۔ 1948میں علی گڑھ آئے۔ 1961 میں اردو میں ایم اے کیا۔ 1966میں شعبہ اردو علی گڑھ مسلم یونیورسٹی میں لیکچرر ہوئے۔ 1996میں یہیں سے پروفیسر اور صدر اردو کی حیثیت سے ریٹائر ہوئے۔ ہاکی، بیڈمنٹن اور...
مکمل تعارف پڑھیں