آندھی کی زد میں شمع تمنا جلائی جائے — شہریار
شاعر
آندھی کی زد میں شمع تمنا جلائی جائے
آندھی کی زد میں شمع تمنا جلائی جائے
جس طرح بھی ہو لاج جنوں کی بچائی جائے
بے آب و بے گیاہ ہے یہ دل کا دشت بھی
اک نہر آنسوؤں کی یہاں بھی بہائی جائے
عاجز ہیں اپنے طالع بیدار سے بہت
ہر رات ہم کو کوئی کہانی سنائی جائے
سب کچھ بدل گیا ہے مگر لوگ ہیں بضد
مہتاب ہی میں صورت جاناں دکھائی جائے
کچھ ساغروں میں زہر ہے کچھ میں شراب ہے
یہ مسئلہ ہے تشنگی کس سے بجھائی جائے
شہروں کی سرحدوں پہ ہے صحراؤں کا ہجوم
کیا ماجرا ہے آؤ خبر تو لگائی جائے
نازل ہو جسم و روح پہ جب بے حسی کا قہر
اس وقت دوستو یہ غزل گنگنائی جائے
شہریار
Aandhi ki zad mein shama-e-tamanna jalayi jaye
Aandhi ki zad mein shama-e-tamanna jalayi jaye
Jis tarah bhi ho laaj junoon ki bachayi jaye
Be-aab o be-giyah hai ye dil ka dasht bhi
Ik nahar aansuon ki yahan bhi bahayi jaye
Aajiz hain apne tale-e-bedar se bahut
Har raat hum ko koi kahani sunayi jaye
Sab kuchh badal gaya hai magar log hain ba-zid
Mahtab hi mein surat-e-jaanan dikhayi jaye
Kuchh sagharon mein zehar hai kuchh mein sharab hai
Ye masla hai tashnagi kis se bujhayi jaye
Shahron ki sarhadon pe hai sahraon ka hujoom
Kya majra hai aao khabar to lagayi jaye
Nazil ho jism o rooh pe jab be-hissi ka qahr
Us waqt dosto ye ghazal gungunayi jaye
شاعر کے بارے میں
کنور محمد اخلاق دنیائے ادب میں شہر یار کے نام سے جانے جاتے ہیں۔ وہ 16 جون 1936کو آنولہ، ضلع بریلی، اُتر پردیش میں پیدا ہوئے۔ ابتدائی تعلیم ہردوئی میں حاصل کی۔ 1948میں علی گڑھ آئے۔ 1961 میں اردو میں ایم اے کیا۔ 1966میں شعبہ اردو علی گڑھ مسلم یونیورسٹی میں لیکچرر ہوئے۔ 1996میں یہیں سے پروفیسر اور صدر اردو کی حیثیت سے ریٹائر ہوئے۔ ہاکی، بیڈمنٹن اور...
مکمل تعارف پڑھیں