آنکھ کی یہ ایک حسرت تھی کہ بس پوری ہوئی — شہریار
شاعر
آنکھ کی یہ ایک حسرت تھی کہ بس پوری ہوئی
آنکھ کی یہ ایک حسرت تھی کہ بس پوری ہوئی
آنسوؤں میں بھیگ جانے کی ہوس پوری ہوئی
آ رہی ہے جسم کی دیوار گرنے کی صدا
اک عجب خواہش تھی جو اب کے برس پوری ہوئی
اس خزاں آثار لمحے کی حکایت ہے یہی
اک گل نا آفریدہ کی ہوس پوری ہوئی
آگ کے شعلوں سے سارا شہر روشن ہو گیا
ہو مبارک آرزوئے خار و خس پوری ہوئی
کیسی دستک تھی کہ دروازے مقفل ہو گئے
اور اس کے ساتھ روداد قفس پوری ہوئی
شہریار
Aankh ki ye ek hasrat thi ke bas poori hui
Aankh ki ye ek hasrat thi ke bas poori hui
Aansuon mein bheeg jaane ki hawas poori hui
Aa rahi hai jism ki deewar girne ki sada
Ik ajab khwahish thi jo ab ke baras poori hui
Is khizan aasar lamhe ki hikayat hai yahi
Ik gul na aafreeda ki hawas poori hui
Aag ke sholon se sara shahar roshan ho gaya
Ho mubarak aarzoo-e-khar o khas poori hui
Kaisi dastak thi ke darwaze muqaffal ho gaye
Aur us ke saath rudada-e-qafas poori hui
شاعر کے بارے میں
کنور محمد اخلاق دنیائے ادب میں شہر یار کے نام سے جانے جاتے ہیں۔ وہ 16 جون 1936کو آنولہ، ضلع بریلی، اُتر پردیش میں پیدا ہوئے۔ ابتدائی تعلیم ہردوئی میں حاصل کی۔ 1948میں علی گڑھ آئے۔ 1961 میں اردو میں ایم اے کیا۔ 1966میں شعبہ اردو علی گڑھ مسلم یونیورسٹی میں لیکچرر ہوئے۔ 1996میں یہیں سے پروفیسر اور صدر اردو کی حیثیت سے ریٹائر ہوئے۔ ہاکی، بیڈمنٹن اور...
مکمل تعارف پڑھیں