ایسے ہجر کے موسم کب کب آتے ہیں — شہریار
شاعر
ایسے ہجر کے موسم کب کب آتے ہیں
ایسے ہجر کے موسم کب کب آتے ہیں
تیرے علاوہ یاد ہمیں سب آتے ہیں
جاگتی آنکھوں سے بھی دیکھو دنیا کو
خوابوں کا کیا ہے وہ ہر شب آتے ہیں
جذب کرے کیوں ریت ہماری اشکوں کو
تیرا دامن تر کرنے اب آتے ہیں
اب وہ سفر کی تاب نہیں باقی ورنہ
ہم کو بلاوے دشت سے جب تب آتے ہیں
کاغذ کی کشتی میں دریا پار کیا
دیکھو ہم کو کیا کیا کرتب آتے ہیں
شہریار
Aise hijr ke mausam kab kab aate hain
Aise hijr ke mausam kab kab aate hain
Tere ilawa yaad humein sab aate hain
Jagti aankhon se bhi dekho duniya ko
Khwabon ka kya hai woh har shab aate hain
Jazb kare kyun reit hamari ashkon ko
Tera daman tar karne ab aate hain
Ab woh safar ki taab nahin baqi warna
Hum ko bulawe dasht se jab tab aate hain
Kaghaz ki kashti mein darya paar kiya
Dekho hum ko kya kya kartab aate hain
شاعر کے بارے میں
کنور محمد اخلاق دنیائے ادب میں شہر یار کے نام سے جانے جاتے ہیں۔ وہ 16 جون 1936کو آنولہ، ضلع بریلی، اُتر پردیش میں پیدا ہوئے۔ ابتدائی تعلیم ہردوئی میں حاصل کی۔ 1948میں علی گڑھ آئے۔ 1961 میں اردو میں ایم اے کیا۔ 1966میں شعبہ اردو علی گڑھ مسلم یونیورسٹی میں لیکچرر ہوئے۔ 1996میں یہیں سے پروفیسر اور صدر اردو کی حیثیت سے ریٹائر ہوئے۔ ہاکی، بیڈمنٹن اور...
مکمل تعارف پڑھیں