عجیب سانحہ مجھ پر گزر گیا یارو — شہریار
شاعر
عجیب سانحہ مجھ پر گزر گیا یارو
عجیب سانحہ مجھ پر گزر گیا یارو
میں اپنے سائے سے کل رات ڈر گیا یارو
ہر ایک نقش تمنا کا ہو گیا دھندلا
ہر ایک زخم مرے دل کا بھر گیا یارو
بھٹک رہی تھی جو کشتی وہ غرق آب ہوئی
چڑھا ہوا تھا جو دریا اتر گیا یارو
وہ کون تھا وہ کہاں کا تھا کیا ہوا تھا اسے
سنا ہے آج کوئی شخص مر گیا یارو
میں جس کو لکھنے کے ارمان میں جیا اب تک
ورق ورق وہ فسانہ بکھر گیا یارو
شہریار
Ajeeb saanha mujh par guzar gaya yaaro
Ajeeb saanha mujh par guzar gaya yaaro
Main apne saaye se kal raat dar gaya yaaro
Har ek naqsh tamanna ka ho gaya dhundhla
Har ek zakhm mere dil ka bhar gaya yaaro
Bhatak rahi thi jo kashti wo gharq-e-aab hui
Chadha hua tha jo darya utar gaya yaaro
Wo kaun tha wo kahan ka tha kya hua tha usay
Suna hai aaj koi shakhs mar gaya yaaro
Main jis ko likhne ke armaan mein jiya ab tak
Waraq waraq wo fasaana bikhar gaya yaaro
شاعر کے بارے میں
کنور محمد اخلاق دنیائے ادب میں شہر یار کے نام سے جانے جاتے ہیں۔ وہ 16 جون 1936کو آنولہ، ضلع بریلی، اُتر پردیش میں پیدا ہوئے۔ ابتدائی تعلیم ہردوئی میں حاصل کی۔ 1948میں علی گڑھ آئے۔ 1961 میں اردو میں ایم اے کیا۔ 1966میں شعبہ اردو علی گڑھ مسلم یونیورسٹی میں لیکچرر ہوئے۔ 1996میں یہیں سے پروفیسر اور صدر اردو کی حیثیت سے ریٹائر ہوئے۔ ہاکی، بیڈمنٹن اور...
مکمل تعارف پڑھیں