عکس کو قید کہ پرچھائیں کو زنجیر کریں — شہریار
شاعر
عکس کو قید کہ پرچھائیں کو زنجیر کریں
عکس کو قید کہ پرچھائیں کو زنجیر کریں
ساعت ہجر تجھے کیسے جہانگیر کریں
پاؤں کے نیچے کوئی شے ہے زمیں کی صورت
چند دن اور اسی وہم کی تشہیر کریں
شہر امید حقیقت میں نہیں بن سکتا
تو چلو اس کو تصور ہی میں تعمیر کریں
اب تو لے دے کے یہی کام ہے ان آنکھوں کا
جن کو دیکھا نہیں ان خوابوں کی تعبیر کریں
ہم میں جرأت کی کمی کل کی طرح آج بھی ہے
تشنگی کس کے لبوں پر تجھے تحریر کریں
عمر کا باقی سفر کرنا ہے اس شرط کے ساتھ
دھوپ دیکھیں تو اسے سائے سے تعبیر کریں
شہریار
Aks ko qaid ke parchhaiyan ko zanjir karein
Aks ko qaid ke parchhaiyan ko zanjir karein
Sa'at-e-hijr tujhe kaise jahangir karein
Paaon ke neeche koi shai hai zamin ki soorat
Chand din aur isi wahm ki tashhir karein
Shehr-e-umeed haqeeqat mein nahin ban sakta
To chalo us ko tasawwur hi mein tameer karein
Ab to le de ke yahi kaam hai in aankhon ka
Jin ko dekha nahin un khwabon ki taabeer karein
Hum mein jurrat ki kami kal ki tarah aaj bhi hai
Tishnagi kis ke labon par tujhe tehreer karein
Umar ka baqi safar karna hai is shart ke saath
Dhoop dekhein to usay saaye se ta'beer karein
شاعر کے بارے میں
کنور محمد اخلاق دنیائے ادب میں شہر یار کے نام سے جانے جاتے ہیں۔ وہ 16 جون 1936کو آنولہ، ضلع بریلی، اُتر پردیش میں پیدا ہوئے۔ ابتدائی تعلیم ہردوئی میں حاصل کی۔ 1948میں علی گڑھ آئے۔ 1961 میں اردو میں ایم اے کیا۔ 1966میں شعبہ اردو علی گڑھ مسلم یونیورسٹی میں لیکچرر ہوئے۔ 1996میں یہیں سے پروفیسر اور صدر اردو کی حیثیت سے ریٹائر ہوئے۔ ہاکی، بیڈمنٹن اور...
مکمل تعارف پڑھیں