اپنی یاد میں — شہریار
شاعر
اپنی یاد میں
میں اپنے گھاؤ گن رہا ہوں
دور تتلیوں کے ریشمی پروں کے نیلے پیلے رنگ
اڑ رہے ہیں ہر طرف
فرشتے آسمان سے اتر رہے ہیں صف بہ صف
میں اپنے گھاؤ گن رہا ہوں
آنسوؤں کی اوس میں نہا کے بھولے بسرے خواب آ گئے
خون کا دباؤ اور کم ہوا
نحیف جسم پر کسی کے ناخنوں کے آڑے ترچھے نقش
جگمگا اٹھے
لبوں پہ لکنتوں کی برف جم گئی
طویل ہچکیوں کا ایک سلسلہ
فضا میں ہے
لہو کی بو ہوا میں ہے
شہریار
Apni yaad mein
Main apne ghaao gin raha hoon
Dur titliyon ke reshmi paron ke neele peele rang
Ud rahe hain har taraf
Farishte aasmaan se utar rahe hain saf ba saf
Main apne ghaao gin raha hoon
Aansuon ki os mein naha ke bhoole bisre khwaab aa gaye
Khoon ka dabao aur kam hua
Naheef jism par kisi ke nakhunon ke aade tirchhe naqsh
Jagmag aa uthe
Labon pe luknaton ki barf jam gayi
Taweel hichkiyon ka ek silsila
Fiza mein hai
Lahu ki boo hawa mein hai
شاعر کے بارے میں
کنور محمد اخلاق دنیائے ادب میں شہر یار کے نام سے جانے جاتے ہیں۔ وہ 16 جون 1936کو آنولہ، ضلع بریلی، اُتر پردیش میں پیدا ہوئے۔ ابتدائی تعلیم ہردوئی میں حاصل کی۔ 1948میں علی گڑھ آئے۔ 1961 میں اردو میں ایم اے کیا۔ 1966میں شعبہ اردو علی گڑھ مسلم یونیورسٹی میں لیکچرر ہوئے۔ 1996میں یہیں سے پروفیسر اور صدر اردو کی حیثیت سے ریٹائر ہوئے۔ ہاکی، بیڈمنٹن اور...
مکمل تعارف پڑھیں