بے تاب ہیں اور عشق کا دعویٰ نہیں ہم کو — شہریار
شاعر
بے تاب ہیں اور عشق کا دعویٰ نہیں ہم کو
بے تاب ہیں اور عشق کا دعویٰ نہیں ہم کو
آوارہ ہیں اور دشت کا سودا نہیں ہم کو
غیروں کی محبت پہ یقیں آنے لگا ہے
یاروں سے اگرچہ کوئی شکوہ نہیں ہم کو
نیرنگیئ دل ہے کہ تغافل کا کرشمہ
کیا بات ہے جو تیری تمنا نہیں ہم کو
یا تیرے علاوہ بھی کسی شے کی طلب ہے
یا اپنی محبت پہ بھروسا نہیں ہم کو
یا تم بھی مداوائے الم کر نہیں سکتے
یا چارہ گرو فکر مداوا نہیں ہم کو
یوں برہمئی کاکل امروز سے خوش ہیں
جیسے کہ خیال رخ فردا نہیں ہم کو
شہریار
Be-taab hain aur ishq ka daava nahin hum ko
Be-taab hain aur ishq ka daava nahin hum ko
Awara hain aur dasht ka sauda nahin hum ko
Ghairon ki mohabbat pe yaqeen aane laga hai
Yaaron se agarche koi shikwa nahin hum ko
Nairangi-e-dil hai ke taghaful ka karishma
Kya baat hai jo teri tamanna nahin hum ko
Ya tere ilawa bhi kisi shai ki talab hai
Ya apni mohabbat pe bharosa nahin hum ko
Ya tum bhi mudawa-e-alam kar nahin sakte
Ya chara-garo fikr-e-mudawa nahin hum ko
Yoon barhami-e-kakul-e-imroz se khush hain
Jaise ke khayal-e-rukh-e-farda nahin hum ko
شاعر کے بارے میں
کنور محمد اخلاق دنیائے ادب میں شہر یار کے نام سے جانے جاتے ہیں۔ وہ 16 جون 1936کو آنولہ، ضلع بریلی، اُتر پردیش میں پیدا ہوئے۔ ابتدائی تعلیم ہردوئی میں حاصل کی۔ 1948میں علی گڑھ آئے۔ 1961 میں اردو میں ایم اے کیا۔ 1966میں شعبہ اردو علی گڑھ مسلم یونیورسٹی میں لیکچرر ہوئے۔ 1996میں یہیں سے پروفیسر اور صدر اردو کی حیثیت سے ریٹائر ہوئے۔ ہاکی، بیڈمنٹن اور...
مکمل تعارف پڑھیں