منظم مناظر سے آگے — شہریار
شاعر
منظم مناظر سے آگے
بہار اور خزاں موت اور زندگی کے منظم مناظر سے آگے بھی
کچھ ایسے منظر ہیں
آنکھوں کی جن تک رسائی نہیں ہے
شجر جس کی ساری جڑیں آسمانوں میں پھیلی ہیں
اور ٹہنیاں کھردری سخت لاوا اگلتی زمیں
کے بدن میں مسلسل اترتی چلی جا رہی ہیں
ہوا کے سمندر میں بے بادباں کشتیوں پر درندے
لہو رنگ خوشبو کی دیوار کا گہرا سایہ
ہری سرخ نیلی سیہ روشنی
روشنی کی لکیریں
لکیروں کی آواز
آواز کا دائرہ
دائرے اور نقطے میں بڑھتا ہوا فاصلہ
فاصلہ اور سفر
بہار اور خزاں موت اور زندگی کے منظم مناظر سے آگے بھی
کچھ ایسے منظر ہیں آنکھوں کی جن تک رسائی نہیں ہے
شہریار
Beyond Organized Scenes
Bahaar aur khizaan maut aur zindagi ke munazzam manaazir se aage bhi
Kuch aise manzar hain
Aankhon ki jin tak rasaai nahin hai
Shajar jis ki saari jadein aasmanon mein phaili hain
Aur tehniyan khurduri sakht laava ugalti zameen
Ke badan mein musalsal utarti chali ja rahi hain
Hawa ke samundar mein be-baadbaan kashtiyon par darinde
Lahoo rang khushboo ki deewaar ka gehra saaya
Hari surkh neeli siyah roshni
Roshni ki lakeerein
Lakeeron ki aawaaz
Aawaaz ka daaira
Daire aur nuqte mein badhta hua faasla
Faasla aur safar
Bahaar aur khizaan maut aur zindagi ke munazzam manaazir se aage bhi
Kuch aise manzar hain aankhon ki jin tak rasaai nahin hai
شاعر کے بارے میں
کنور محمد اخلاق دنیائے ادب میں شہر یار کے نام سے جانے جاتے ہیں۔ وہ 16 جون 1936کو آنولہ، ضلع بریلی، اُتر پردیش میں پیدا ہوئے۔ ابتدائی تعلیم ہردوئی میں حاصل کی۔ 1948میں علی گڑھ آئے۔ 1961 میں اردو میں ایم اے کیا۔ 1966میں شعبہ اردو علی گڑھ مسلم یونیورسٹی میں لیکچرر ہوئے۔ 1996میں یہیں سے پروفیسر اور صدر اردو کی حیثیت سے ریٹائر ہوئے۔ ہاکی، بیڈمنٹن اور...
مکمل تعارف پڑھیں