دیار دل نہ رہا بزم دوستاں نہ رہی — شہریار
شاعر
دیار دل نہ رہا بزم دوستاں نہ رہی
دیار دل نہ رہا بزم دوستاں نہ رہی
اماں کی کوئی جگہ زیر آسماں نہ رہی
رواں ہیں آج بھی رگ رگ میں خون کی موجیں
مگر وہ ایک خلش وہ متاع جاں نہ رہی
لڑیں غموں کے اندھیروں سے کس کی خاطر ہم
کوئی کرن بھی تو اس دل میں ضو فشاں نہ رہی
میں اس کو دیکھ کے آنکھوں کا نور کھو بیٹھا
یہ زندگی مری آنکھوں سے کیوں نہاں نہ رہی
زباں ملی بھی تو کس وقت بے زبانوں کو
سنانے کے لیے جب کوئی داستاں نہ رہی
شہریار
Dayar-e-dil na raha, bazm-e-dostan na rahi
Dayar-e-dil na raha bazm-e-dostan na rahi
Aman ki koi jagah zer-e-asman na rahi
Rawaan hain aaj bhi rag rag mein khoon ki maujein
Magar woh ek khalish woh mata-e-jaan na rahi
Ladein ghamon ke andheron se kis ki khatir hum
Koi kiran bhi to us dil mein zau-fishan na rahi
Main us ko dekh ke aankhon ka noor kho baitha
Ye zindagi meri aankhon se kyun nihaan na rahi
Zaban mili bhi to kis waqt be-zubanon ko
Sunane ke liye jab koi dastaan na rahi
شاعر کے بارے میں
کنور محمد اخلاق دنیائے ادب میں شہر یار کے نام سے جانے جاتے ہیں۔ وہ 16 جون 1936کو آنولہ، ضلع بریلی، اُتر پردیش میں پیدا ہوئے۔ ابتدائی تعلیم ہردوئی میں حاصل کی۔ 1948میں علی گڑھ آئے۔ 1961 میں اردو میں ایم اے کیا۔ 1966میں شعبہ اردو علی گڑھ مسلم یونیورسٹی میں لیکچرر ہوئے۔ 1996میں یہیں سے پروفیسر اور صدر اردو کی حیثیت سے ریٹائر ہوئے۔ ہاکی، بیڈمنٹن اور...
مکمل تعارف پڑھیں