دل چیز کیا ہے آپ مری جان لیجئے — شہریار
شاعر
دل چیز کیا ہے آپ مری جان لیجئے
دل چیز کیا ہے آپ مری جان لیجئے
بس ایک بار میرا کہا مان لیجئے
اس انجمن میں آپ کو آنا ہے بار بار
دیوار و در کو غور سے پہچان لیجئے
مانا کہ دوستوں کو نہیں دوستی کا پاس
لیکن یہ کیا کہ غیر کا احسان لیجئے
کہئے تو آسماں کو زمیں پر اتار لائیں
مشکل نہیں ہے کچھ بھی اگر ٹھان لیجئے
شہریار
Dil cheez kya hai aap meri jaan leejiye
Dil cheez kya hai aap meri jaan leejiye
Bas ek baar mera kaha maan leejiye
Is anjuman mein aap ko aana hai baar baar
Deewar-o-dar ko ghaur se pehchan leejiye
Mana ke doston ko nahin dosti ka paas
Lekin ye kya ke ghair ka ehsaan leejiye
Kahiye to asman ko zamin par utaar laayein
Mushkil nahin hai kuch bhi agar thaan leejiye
شاعر کے بارے میں
کنور محمد اخلاق دنیائے ادب میں شہر یار کے نام سے جانے جاتے ہیں۔ وہ 16 جون 1936کو آنولہ، ضلع بریلی، اُتر پردیش میں پیدا ہوئے۔ ابتدائی تعلیم ہردوئی میں حاصل کی۔ 1948میں علی گڑھ آئے۔ 1961 میں اردو میں ایم اے کیا۔ 1966میں شعبہ اردو علی گڑھ مسلم یونیورسٹی میں لیکچرر ہوئے۔ 1996میں یہیں سے پروفیسر اور صدر اردو کی حیثیت سے ریٹائر ہوئے۔ ہاکی، بیڈمنٹن اور...
مکمل تعارف پڑھیں