دیار دل نہ رہا بزم دوستاں نہ رہی — شہریار
شاعر
دیار دل نہ رہا بزم دوستاں نہ رہی
دیار دل نہ رہا بزم دوستاں نہ رہی
اماں کی کوئی جگہ زیر آسماں نہ رہی
رواں ہیں آج بھی رگ رگ میں خون کی موجیں
مگر وہ ایک خلش وہ متاع جاں نہ رہی
لڑیں غموں کے اندھیروں سے کس کی خاطر ہم
کوئی کرن بھی تو اس دل میں ضو فشاں نہ رہی
میں اس کو دیکھ کے آنکھوں کا نور کھو بیٹھا
یہ زندگی مری آنکھوں سے کیوں نہاں نہ رہی
زباں ملی بھی تو کس وقت بے زبانوں کو
سنانے کے لیے جب کوئی داستاں نہ رہی
شہریار
Diyar-e-dil na raha bazm-e-dostaaN na rahi
Diyar-e-dil na raha bazm-e-dostaaN na rahi
AmaaN ki koi jagah zer-e-aasmaaN na rahi
RawaaN hain aaj bhi rag rag mein khoon ki maujeiN
Magar woh ek khalish woh mataa-e-jaaN na rahi
LaReiN ghamoN ke andheroN se kis ki khaatir hum
Koi kiran bhi toh us dil mein zau-fishaaN na rahi
MaiN us ko dekh ke aankhoN ka noor kho baiTha
Yeh zindagi meri aankhoN se kyoN nihaaN na rahi
ZubaaN mili bhi toh kis waqt be-zubanoN ko
Sunaane ke liye jab koi daastaaN na rahi
شاعر کے بارے میں
کنور محمد اخلاق دنیائے ادب میں شہر یار کے نام سے جانے جاتے ہیں۔ وہ 16 جون 1936کو آنولہ، ضلع بریلی، اُتر پردیش میں پیدا ہوئے۔ ابتدائی تعلیم ہردوئی میں حاصل کی۔ 1948میں علی گڑھ آئے۔ 1961 میں اردو میں ایم اے کیا۔ 1966میں شعبہ اردو علی گڑھ مسلم یونیورسٹی میں لیکچرر ہوئے۔ 1996میں یہیں سے پروفیسر اور صدر اردو کی حیثیت سے ریٹائر ہوئے۔ ہاکی، بیڈمنٹن اور...
مکمل تعارف پڑھیں