لا زوال سکوت — شہریار
شاعر
لا زوال سکوت
مہیب لمبے گھنے پیڑوں کی ہری شاخیں
کبھی کبھی کوئی اشلوک گنگناتی تھیں
کبھی کبھی کسی پتے کا دل دھڑکتا تھا
کبھی کبھی کوئی کونپل درود پڑھتی تھی
کبھی کبھی کوئی جگنو الکھ جگاتا تھا
کبھی کبھی کوئی طائر ہوا سے لڑتا تھا
کبھی کبھی کوئی پرچھائیں چیخ پڑتی تھی
اور اس کے بعد مری آنکھ کھل گئی میں نے
سرہانے رکھے ہوئے تازہ روز نامے کی
ہر ایک سطر بڑے غور سے پڑھی لیکن
خبر کہیں بھی کسی ایسے حادثے کی نہ تھی
اور اس کے بعد میں دیوانہ وار ہنسنے لگا
اور اس کے بعد ہر اک سمت لا زوال سکوت
اور اس کے بعد ہر اک سمت لا زوال سکوت
شہریار
Eternal Silence
Maheeb lambe ghane pedon ki hari shakhein
Kabhi kabhi koi ashlook gungunaati thin
Kabhi kabhi kisi patte ka dil dhadakta tha
Kabhi kabhi koi konpal durood padhti thi
Kabhi kabhi koi jugnu alakh jagaata tha
Kabhi kabhi koi ta'ir hawa se ladta tha
Kabhi kabhi koi parchhaiyan cheekh padti thi
Aur is ke baad meri aankh khul gayi main ne
Sirhane rakhe hue taaza roznaame ki
Har ek satar bade ghaur se padhi lekin
Khabar kahin bhi kisi aise haadse ki na thi
Aur is ke baad main deewaana waar hansne laga
Aur is ke baad har ik samt la zawaal sukoot
Aur is ke baad har ik samt la zawaal sukoot
شاعر کے بارے میں
کنور محمد اخلاق دنیائے ادب میں شہر یار کے نام سے جانے جاتے ہیں۔ وہ 16 جون 1936کو آنولہ، ضلع بریلی، اُتر پردیش میں پیدا ہوئے۔ ابتدائی تعلیم ہردوئی میں حاصل کی۔ 1948میں علی گڑھ آئے۔ 1961 میں اردو میں ایم اے کیا۔ 1966میں شعبہ اردو علی گڑھ مسلم یونیورسٹی میں لیکچرر ہوئے۔ 1996میں یہیں سے پروفیسر اور صدر اردو کی حیثیت سے ریٹائر ہوئے۔ ہاکی، بیڈمنٹن اور...
مکمل تعارف پڑھیں