فیصلے کی گھڑی — شہریار
شاعر
فیصلے کی گھڑی
بارشیں پھر زمینوں سے ناراض ہیں
اور سمندر سبھی خشک ہیں
کھردری سخت بنجر زمینوں میں کیا بوئیے اور کیا کاٹئے
آنکھ کی اوس کے چند قطروں سے کیا ان زمینوں کو سیراب کر پاؤ گے
گندم و جو کے خوشوں کی خوشبو تمہارا مقدر نہیں
آسمانوں سے تم کو رقابت رہی
اور زمینوں سے تم بے تعلق رہے
ریڑھ کی ایک ہڈی پہ تم کو بہت ناز تھا
یہ گماں بھی نہ تھا
ایک دن بے لہو یہ بھی ہو جائے گی
فیصلے کی گھڑی آ گئی کچھ کرو
تتلیوں کے سنہرے ہرے سرخ نیلے پروں کے لیے
آنکھ کی اوس کے چند قطروں سے بنجر زمیں کے کسی گوشے میں
پھول پھر سے اگانے کی کوشش کرو
شہریار
Faisle ki ghadi
Baarishein phir zameenon se naraaz hain
Aur samundar sabhi khushk hain
Khurduri sakht banjar zameenon mein kya boiye aur kya kaatiye
Aankh ki os ke chand qatron se kya in zameenon ko serab kar paoge
Gandum o jau ke khushon ki khushboo tumhara muqaddar nahin
Aasmanon se tum ko raqabat rahi
Aur zameenon se tum be-ta'alluq rahe
Reedh ki ek haddi pe tum ko bahut naaz tha
Yeh gumaan bhi na tha
Ek din be-lahu yeh bhi ho jaayegi
Faisle ki ghadi aa gayi kuch karo
Titliyon ke sunahre hare surkh neele paron ke liye
Aankh ki os ke chand qatron se banjar zameen ke kisi goshe mein
Phool phir se ugaane ki koshish karo
شاعر کے بارے میں
کنور محمد اخلاق دنیائے ادب میں شہر یار کے نام سے جانے جاتے ہیں۔ وہ 16 جون 1936کو آنولہ، ضلع بریلی، اُتر پردیش میں پیدا ہوئے۔ ابتدائی تعلیم ہردوئی میں حاصل کی۔ 1948میں علی گڑھ آئے۔ 1961 میں اردو میں ایم اے کیا۔ 1966میں شعبہ اردو علی گڑھ مسلم یونیورسٹی میں لیکچرر ہوئے۔ 1996میں یہیں سے پروفیسر اور صدر اردو کی حیثیت سے ریٹائر ہوئے۔ ہاکی، بیڈمنٹن اور...
مکمل تعارف پڑھیں