نفی سے اثبات تک — شہریار
شاعر
نفی سے اثبات تک
رات کا یہ سمندر تمہارے لیے
تم سمندر کی خاطر بنے ہو
دلوں میں کبھی خشکیوں کی سحر کا تصور نہ آئے
اسی واسطے تم کو بے بادباں کشتیاں دی گئی ہیں
سفر رات کے اس سمندر کی گہرائیوں کا سفر بیکراں ہے
اکیلے ہو تم اور اکیلے رہوگے
مگر آسماں کی جگہ آسماں اور زمیں کی جگہ یہ زمیں
تم سے قائم ہے
دائم ہے یہ رات
اور رات کے تم امیں ہو
اگر آنکھ میں نور کا کوئی منظر ہے
اس کی حفاظت کرو
شہریار
From Negation to Affirmation
Raat ka yeh samundar tumhare liye
Tum samundar ki khaatir bane ho
Dilon mein kabhi khushkiyon ki sehar ka tasawwur na aaye
Isi waaste tum ko be-baadbaan kashtiyan di gayi hain
Safar raat ke is samundar ki gehraiyon ka safar be-karaan hai
Akele ho tum aur akele rahoge
Magar aasman ki jagah aasman aur zameen ki jagah yeh zameen
Tum se qaayam hai
Daa'im hai yeh raat
Aur raat ke tum ameen ho
Agar aankh mein noor ka koi manzar hai
Is ki hifaazat karo
شاعر کے بارے میں
کنور محمد اخلاق دنیائے ادب میں شہر یار کے نام سے جانے جاتے ہیں۔ وہ 16 جون 1936کو آنولہ، ضلع بریلی، اُتر پردیش میں پیدا ہوئے۔ ابتدائی تعلیم ہردوئی میں حاصل کی۔ 1948میں علی گڑھ آئے۔ 1961 میں اردو میں ایم اے کیا۔ 1966میں شعبہ اردو علی گڑھ مسلم یونیورسٹی میں لیکچرر ہوئے۔ 1996میں یہیں سے پروفیسر اور صدر اردو کی حیثیت سے ریٹائر ہوئے۔ ہاکی، بیڈمنٹن اور...
مکمل تعارف پڑھیں