گرد کو کدورتوں کی دھو نہ پائے ہم — شہریار
شاعر
گرد کو کدورتوں کی دھو نہ پائے ہم
گرد کو کدورتوں کی دھو نہ پائے ہم
دل بہت اداس ہے کہ رو نہ پائے ہم
وجود کے چہار سمت ریگزار تھا
کہیں بھی خواہشوں کے بیج بو نہ پائے ہم
روح سے تو پہلے دن ہی ہار مان لی
بوجھ اپنے جسم کا بھی ڈھو نہ پائے ہم
دشت میں تو ایک ہم تھے اور کچھ نہ تھا
شہر کے ہجوم میں بھی کھو نہ پائے ہم
ایک خواب دیکھنے کی آرزو رہی
اسی لیے تمام عمر سو نہ پائے ہم
شہریار
Gard ko kuduraton ki dho na paaye hum
Gard ko kuduraton ki dho na paaye hum
Dil bahut udaas hai ke ro na paaye hum
Wujood ke chahaar samt regzaar tha
Kahin bhi khwahishon ke beej bo na paaye hum
Rooh se to pehle din hi haar maan li
Bojh apne jism ka bhi dho na paaye hum
Dasht mein to ek hum the aur kuchh na tha
Shehr ke hujoom mein bhi kho na paaye hum
Ek khwab dekhne ki aarzoo rahi
Isi liye tamaam umr so na paaye hum
شاعر کے بارے میں
کنور محمد اخلاق دنیائے ادب میں شہر یار کے نام سے جانے جاتے ہیں۔ وہ 16 جون 1936کو آنولہ، ضلع بریلی، اُتر پردیش میں پیدا ہوئے۔ ابتدائی تعلیم ہردوئی میں حاصل کی۔ 1948میں علی گڑھ آئے۔ 1961 میں اردو میں ایم اے کیا۔ 1966میں شعبہ اردو علی گڑھ مسلم یونیورسٹی میں لیکچرر ہوئے۔ 1996میں یہیں سے پروفیسر اور صدر اردو کی حیثیت سے ریٹائر ہوئے۔ ہاکی، بیڈمنٹن اور...
مکمل تعارف پڑھیں