ہر خواب کے مکاں کو مسمار کر دیا ہے — شہریار
شاعر
ہر خواب کے مکاں کو مسمار کر دیا ہے
ہر خواب کے مکاں کو مسمار کر دیا ہے
بہتر دنوں کا آنا دشوار کر دیا ہے
وہ دشت ہو کہ بستی سایہ سکوت کا ہے
جادو اثر سخن کو بے کار کر دیا ہے
گرد و نواح دل میں خوف و ہراس اتنا
پہلے کبھی نہیں تھا اس بار کر دیا ہے
کل اور ساتھ سب کے اس پار ہم کھڑے تھے
اک پل میں ہم کو کس نے اس پار کر دیا ہے
پائے جنوں پہ کیسی افتاد آ پڑی ہے
اگلی مسافتوں سے انکار کر دیا ہے
شہریار
Har khwab ke makaan ko masmaar kar diya hai
Har khwab ke makaan ko masmaar kar diya hai
Behtar dinon ka aana dushwar kar diya hai
Woh dasht ho ke basti saaya sukoot ka hai
Jaadu asar sukhan ko be-kaar kar diya hai
Gard-o-nawah dil mein khauf-o-haraas itna
Pehle kabhi nahin tha is baar kar diya hai
Kal aur saath sab ke us paar hum khade the
Ik pal mein hum ko kis ne is paar kar diya hai
Paaye junoon pe kaisi iftaad aa padi hai
Agli musafaton se inkaar kar diya hai
شاعر کے بارے میں
کنور محمد اخلاق دنیائے ادب میں شہر یار کے نام سے جانے جاتے ہیں۔ وہ 16 جون 1936کو آنولہ، ضلع بریلی، اُتر پردیش میں پیدا ہوئے۔ ابتدائی تعلیم ہردوئی میں حاصل کی۔ 1948میں علی گڑھ آئے۔ 1961 میں اردو میں ایم اے کیا۔ 1966میں شعبہ اردو علی گڑھ مسلم یونیورسٹی میں لیکچرر ہوئے۔ 1996میں یہیں سے پروفیسر اور صدر اردو کی حیثیت سے ریٹائر ہوئے۔ ہاکی، بیڈمنٹن اور...
مکمل تعارف پڑھیں