جہاں پہ تیری کمی بھی نہ ہو سکے محسوس (ردیف .. ی) — شہریار
شاعر
جہاں پہ تیری کمی بھی نہ ہو سکے محسوس (ردیف .. ی)
جہاں پہ تیری کمی بھی نہ ہو سکے محسوس
تلاش ہی رہی آنکھوں کو ایسے منظر کی
ہمیں تو خود نہیں معلوم کیا کسی سے کہیں
کہ تجھ سے ملنے کی کوشش نہ کیوں بچھڑ کر کی
مگر یہ ذوق پرستش کہ اب بھی تشنہ ہے
جبیں کو چوم چکے ایک ایک پتھر کی
کہاں پہ دفن وہ پرچھائیاں کریں یارو
جو تاب لا نہ سکیں روشنی کے خنجر کی
ہر ایک گل کو ہے عشق سموم کا سودا
ہر ایک شاخ یہاں معتقد ہے صرصر کی
جدھر اندھیرا ہے تنہائی ہے اداسی ہے
سفر کی ہم نے وہی سمت کیوں مقرر کی
شہریار
Jahan pe teri kami bhi na ho sake mehsoos (radeef .. i)
Jahan pe teri kami bhi na ho sake mehsoos
Talaash hi rahi aankhon ko aise manzar ki
Hamein to khud nahin maloom kya kisi se kahein
Ke tujh se milne ki koshish na kyun bichhad kar ki
Magar yeh zauq-e-parastish ke ab bhi tishna hai
Jabeen ko choom chuke ek ek patthar ki
Kahan pe dafan woh parchhaiyan karein yaaro
Jo taab la na sakein roshni ke khanjar ki
Har ek gul ko hai ishq-e-samoom ka sauda
Har ek shaakh yahan muataqid hai sarsar ki
Jidhar andhera hai tanhai hai udaasi hai
Safar ki hum ne wahi simt kyun muqarrar ki
شاعر کے بارے میں
کنور محمد اخلاق دنیائے ادب میں شہر یار کے نام سے جانے جاتے ہیں۔ وہ 16 جون 1936کو آنولہ، ضلع بریلی، اُتر پردیش میں پیدا ہوئے۔ ابتدائی تعلیم ہردوئی میں حاصل کی۔ 1948میں علی گڑھ آئے۔ 1961 میں اردو میں ایم اے کیا۔ 1966میں شعبہ اردو علی گڑھ مسلم یونیورسٹی میں لیکچرر ہوئے۔ 1996میں یہیں سے پروفیسر اور صدر اردو کی حیثیت سے ریٹائر ہوئے۔ ہاکی، بیڈمنٹن اور...
مکمل تعارف پڑھیں