جسم کی کشتی میں آ — شہریار
شاعر
جسم کی کشتی میں آ
ہوا کے پاؤں اس زینے تلک آئے تھے لگتا ہے
دیئے کی لو پہ یہ بوسہ اسی کا ہے
مری گردن سے سینے تک
خراشوں کی لکیروں کا یہ گلدستہ
طلسمی قفل کھلنے کی اسی ساعت کی خاطر
ہجر کے موسم گزارے ہیں
ہوا نے مدتوں میں پاؤں پانی میں اتارے ہیں
مری پسلی سے پیدا ہو
وہی گندم کی بو لے کر
زمیں اور آسماں کی وسعتیں
مجھ میں سمٹ آئیں
الوہی لذت نایاب سے سرشار کر مجھ کو
میں اک پیاسا سمندر ہوں
تو اپنی جسم کی کشتی میں آ
اور پار کر مجھ کو
شہریار
Jism ki kashti mein aa
Hawa ke paon us zeene talak aaye the lagta hai
Diye ki lau pe yeh bosa usi ka hai
Meri gardan se seene tak
Kharashon ki lakeeron ka yeh guldasta
Tilismi qufl khulne ki usi saa'at ki khaatir
Hijr ke mausam guzare hain
Hawa ne muddaton mein paon pani mein utare hain
Meri pasli se paida ho
Wahi gandum ki boo le kar
Zameen aur aasmaan ki wusatein
Mujh mein simat aayin
Aloohi lazzat-e-nayaab se sarsaar kar mujh ko
Main ik pyaasa samundar hoon
Tu apni jism ki kashti mein aa
Aur paar kar mujh ko
شاعر کے بارے میں
کنور محمد اخلاق دنیائے ادب میں شہر یار کے نام سے جانے جاتے ہیں۔ وہ 16 جون 1936کو آنولہ، ضلع بریلی، اُتر پردیش میں پیدا ہوئے۔ ابتدائی تعلیم ہردوئی میں حاصل کی۔ 1948میں علی گڑھ آئے۔ 1961 میں اردو میں ایم اے کیا۔ 1966میں شعبہ اردو علی گڑھ مسلم یونیورسٹی میں لیکچرر ہوئے۔ 1996میں یہیں سے پروفیسر اور صدر اردو کی حیثیت سے ریٹائر ہوئے۔ ہاکی، بیڈمنٹن اور...
مکمل تعارف پڑھیں