جستجو جس کی تھی اس کو تو نہ پایا ہم نے — شہریار
شاعر
جستجو جس کی تھی اس کو تو نہ پایا ہم نے
جستجو جس کی تھی اس کو تو نہ پایا ہم نے
اس بہانے سے مگر دیکھ لی دنیا ہم نے
سب کا احوال وہی ہے جو ہمارا ہے آج
یہ الگ بات کہ شکوہ کیا تنہا ہم نے
خود پشیمان ہوئے نے اسے شرمندہ کیا
عشق کی وضع کو کیا خوب نبھایا ہم نے
کون سا قہر یہ آنکھوں پہ ہوا ہے نازل
ایک مدت سے کوئی خواب نہ دیکھا ہم نے
عمر بھر سچ ہی کہا سچ کے سوا کچھ نہ کہا
اجر کیا اس کا ملے گا یہ نہ سوچا ہم نے
شہریار
Justaju jis ki thi us ko to na paya hum ne
Justaju jis ki thi us ko to na paya hum ne
Is bahane se magar dekh li duniya hum ne
Sab ka ahwaal wahi hai jo hamara hai aaj
Yeh alag baat ke shikwa kiya tanha hum ne
Khud pasheman hue ne use sharminda kiya
Ishq ki vaz'a ko kya khoob nibhaya hum ne
Kaun sa qahr yeh aankhon pe hua hai nazil
Ek muddat se koi khwab na dekha hum ne
Umar bhar sach hi kaha sach ke siwa kuch na kaha
Ajr kya is ka milega yeh na socha hum ne
شاعر کے بارے میں
کنور محمد اخلاق دنیائے ادب میں شہر یار کے نام سے جانے جاتے ہیں۔ وہ 16 جون 1936کو آنولہ، ضلع بریلی، اُتر پردیش میں پیدا ہوئے۔ ابتدائی تعلیم ہردوئی میں حاصل کی۔ 1948میں علی گڑھ آئے۔ 1961 میں اردو میں ایم اے کیا۔ 1966میں شعبہ اردو علی گڑھ مسلم یونیورسٹی میں لیکچرر ہوئے۔ 1996میں یہیں سے پروفیسر اور صدر اردو کی حیثیت سے ریٹائر ہوئے۔ ہاکی، بیڈمنٹن اور...
مکمل تعارف پڑھیں