جستجو جس کی تھی اس کو تو نہ پایا ہم نے

جستجو جس کی تھی اس کو تو نہ پایا ہم نے
اس بہانے سے مگر دیکھ لی دنیا ہم نے
سب کا احوال وہی ہے جو ہمارا ہے آج
یہ الگ بات کہ شکوہ کیا تنہا ہم نے
خود پشیمان ہوئے نے اسے شرمندہ کیا
عشق کی وضع کو کیا خوب نبھایا ہم نے
کون سا قہر یہ آنکھوں پہ ہوا ہے نازل
ایک مدت سے کوئی خواب نہ دیکھا ہم نے
عمر بھر سچ ہی کہا سچ کے سوا کچھ نہ کہا
اجر کیا اس کا ملے گا یہ نہ سوچا ہم نے

شہریار

Justuju jis ki thi us ko to na paaya hum ne

Justuju jis ki thi us ko to na paaya hum ne
Is bahaane se magar dekh li duniya hum ne
Sab ka ahwaal wahi hai jo hamaara hai aaj
Ye alag baat ke shikwa kiya tanha hum ne
Khud pashemaan hue ne usay sharminda kiya
Ishq ki waza ko kya khoob nibhaaya hum ne
Kaun sa qahr ye aankhon pe hua hai naazil
Ek muddat se koi khwab na dekha hum ne
Umar bhar sach hi kaha sach ke siwa kuch na kaha
Ajr kya is ka milega ye na socha hum ne

شاعر کے بارے میں

کنور محمد اخلاق دنیائے ادب میں شہر یار کے نام سے جانے جاتے ہیں۔ وہ 16 جون 1936کو آنولہ، ضلع بریلی، اُتر پردیش میں پیدا ہوئے۔ ابتدائی تعلیم ہردوئی میں حاصل کی۔ 1948میں علی گڑھ آئے۔ 1961 میں اردو میں ایم اے کیا۔ 1966میں شعبہ اردو علی گڑھ مسلم یونیورسٹی میں لیکچرر ہوئے۔ 1996میں یہیں سے پروفیسر اور صدر اردو کی حیثیت سے ریٹائر ہوئے۔ ہاکی، بیڈمنٹن اور...

مکمل تعارف پڑھیں

جستجو جس کی تھی اس کو تو نہ پایا ہم نے — شہریار

شاعر